Farg‘ona shahrida yashovchi yigit qaylig‘ining oilasi bilan doimiy janjallashib kelgan ayolning uyini yoqib yubordi, deya xabar bermoqda Tergov departamenti.
Ma’lum qilinishicha, 2021-yilning 12-mart kunidan 13-mart kuniga o‘tar kechasi noma’lum shaxs shaharning Farg‘ona ko‘chasida joylashgan ko‘p qavatli uyda yashovchi 48 yoshli ayol T.V. va 32 yoshli yigit Sh.A.ga tegishli xonadonlarning kirish eshigi va derazasining oldini yonuvchi suyuqlik yordamida yoqib yuborgan va hodisa joyidan yashiringan.
Olib borilgan tergovga qadar tekshiruv harakatlari davomida 23 yoshli yigit Sh.T. qaylig‘ining oilasi bilan T.V. doimiy ravishda urish-janjal qilib kelganligi sababli ularni qo‘rqitib qo‘yish maqsadida mazkur jinoyatga qo‘l urgani aniqlangan.
Ushbu holat yuzasidan Farg‘ona shahri bo‘yicha Ichki ishlar organlari faoliyatini muvofiqlashtirish boshqarmasi huzuridagi tergov bo‘limi tomonidan Jinoyat kodeksining 173-moddasi 2-qismi “b” bandi (mulkni qasddan nobud qilish yoki unga zarar yetkazish) bilan jinoyat ishi qo‘zg‘atilib, Sh.T. gumon qilinuvchi tariqasida jalb qilingan.
Bundan avval Farg‘onada unashtiruvi bekor qilingani sabab sevgan qizining uyini yoqib yuborgan yigit uch yilga qamalgani, Jizzaxda mast holatda sherigini o‘ldirib, uning murdasini yoqib yuborgan ikki erkak qo‘lga olingani hamda Namanganda aliment talab qilinganidan darg‘azab kuyov sobiq qaynotasini o‘ldirib, uyini yoqib yuborgani haqida xabar qilingandi.
Izoh (0)