Хитойдан Нидерландияга йўл олган контейнерларни ташувчи энг йирик кемалардан бири Ever Given 24 мартга ўтар кечаси Сувайш каналига тиқилиб қолганди. Кема нефть ва газдан бошлаб, машина деталлари ва халқ истеъмоли товарларини етказиб беришдаги глобал занжирни узиб қўйди. Кемалар қатнови бўйича Lloyd’s List компанияси ҳисоб-китобларига кўра, Сувайш каналида саёзликка тиқилиб қолган Ever Given контейнер ташувчи кемаси томонидан кемалар йўлиниг тўсиб қўйилиши жаҳон савдосига соатига 400 миллион долларга тушмоқда.
Hi-Tech.Mail.ru’нинг ёзишича, ҳозирда Ever Given’га саккизта шатакчи кема ёрдам бермоқда. Бироқ кемани жойидан силжитиш у қадар осон эмас: контейнерларни ташишга мўлжалланган кеманинг узунлиги 400 метрга тенг, юк кўтариш ҳажми эса 224 минг тоннани ташкил этади. Бирор ёрдам кўрсатишга уринаётган кичкина экскаватор жуда кулгили кўриниш олган.
Folks, I'm not feeling optimistic about the Suez situation. pic.twitter.com/lOEDMwMMpm
— Josh Marshall (@joshtpm) March 25, 2021
Reuters агентлигнинг маълум қилишича, контейнерларни ташиш бўйича дунёдаги энг йирик операторлардан бири ҳисобланувчи A.P. Moller-Maersk Group кемалар Африкани айланиб ўтиши имкониятини кўриб чиқмоқда, муҳим юклар эса поезд ёки самолётлар орқали етказилади. Интернет фойдаланувчилар бу борада ҳам турли мемлар билан бўлишмоқда.
https://twitter.com/jbradfield/status/1375216325073768456
Айримлар «Титанлар ҳужуми»даги қаҳрамонни ёрдам чақиришни таклиф этмоқда.
https://twitter.com/ldrinkh20/status/1375175588865044489
Қизиқарли факт: кўпчилик кема номини компания номи билан чалкаштирмоқда. Контейнер ташувчи кеманинг расмий номи Ever Given, унинг ён томонидан улкан ёзув эса Evergreen. Evergreen Marine — кемасозлик компаниясининг номи, Evergreen — унинг қисқартирилган варианти. Компаниянинг бошқа номдаги кемалари ҳам бор, масалан, Ever Golden.
Изоҳ (0)