Venesuela prezidenti Nikolas Maduroning Facebook ijtimoiy tarmog‘idagi sahifasi bloklab qo‘yildi. Mamlakat rahbari koronavirus haqida yolg‘on axborotlarni tarqatmaslik to‘g‘risidagi qoidalarni buzgani uchun jazolangan, deb yozmoqda Reuters.
Janubiy Amerika davlatining prezidenti karavativir nomli jambildan olinadigan peroral aralashma koronavirusga chalingan insonlarni davolashda aks ta’sirlari juda kam bo‘lgan samarador preparat haqida yozgan.
Ekspertlarning fikricha ushbu faraz ilmiy tadqiqotlar orqali isbot qilinmagan va hali to‘liq asoslangan, samarali dori vositasi ekanligi yuzasidan isbot-dalillar mavjud emas.
Facebook mazkur kontentning koronavirus bo‘yicha ijtimoiy tarmoq siyosiyatiga zidligi uchun Venesuela prezidenti tibbiy preparatlarni ko‘rsatgan videoni o‘chirib tashlagan.
“Biz JSSTning ko‘rsatmalariga rioya qilamiz va ularda ayni vaqtda koronavirusni davolovchi dorilar mavjud emasligi bayon qilingan. Bu kabi qoidabuzishlar avval ham uchraganini inobatga olib, sahifani 30 kunga bloklaymiz, ushbu davr mobaynida sahifa faqat o‘qish uchungina qisman ochiq bo‘ladi”, – deya xabar qilgan Facebook vakili.Eslatib o‘tamiz, Venesuela fevral oyida Rossiyanign “Sputnik V” vaksinasi birinchi partiyasini qabul qilib olgan va aholini vaksinatsiya qilishni boshlagan. 6-mart kuni Maduroning Rossiya vaksinasi bilan emlangani haqida xabar berilgan.
Izoh (0)