Венесуэла президенти Николас Мадуронинг Facebook ижтимоий тармоғидаги саҳифаси блоклаб қўйилди. Мамлакат раҳбари коронавирус ҳақида ёлғон ахборотларни тарқатмаслик тўғрисидаги қоидаларни бузгани учун жазоланган, деб ёзмоқда Reuters.
Жанубий Америка давлатининг президенти каравативир номли жамбилдан олинадиган перорал аралашма коронавирусга чалинган инсонларни даволашда акс таъсирлари жуда кам бўлган самарадор препарат ҳақида ёзган.
Экспертларнинг фикрича, ушбу фараз илмий тадқиқотлар орқали исбот қилинмаган ва ҳали тўлиқ асосланган, самарали дори воситаси эканлиги юзасидан исбот-далиллар мавжуд эмас.
Facebook мазкур контентнинг коронавирус бўйича ижтимоий тармоқ сиёсиятига зидлиги учун Венесуэла президенти тиббий препаратларни кўрсатган видеони ўчириб ташлаган.
«Биз ЖССТнинг кўрсатмаларига риоя қиламиз ва уларда айни вақтда коронавирусни даволовчи дорилар мавжуд эмаслиги баён қилинган. Бу каби қоидабузишлар аввал ҳам учраганини инобатга олиб, саҳифани 30 кунга блоклаймиз, ушбу давр мобайнида саҳифа фақат ўқиш учунгина қисман очиқ бўлади», – дея хабар қилган Facebook вакили.Эслатиб ўтамиз, Венесуэла февраль ойида Россиянигн «Спутник V» вакцинаси биринчи партиясини қабул қилиб олган ва аҳолини вакцинация қилишни бошлаган. 6 март куни Мадуронинг Россия вакцинаси билан эмлангани ҳақида хабар берилган.
Изоҳ (0)