O‘zbekiston Ichki ishlar vazirligi YHXBB ijtimoiy tarmoqda “YPX xodimi avtomobilda ‘otvyortka’ borligi uchun dalolatnoma tuzdi” sarlavhasi ostida tarqalgan videolavha yuzasidan ma’lumot berdi.
Ma’lum qilinishicha, 2021-yilning 23-mart kuni soat 23:00 larda Toshkent viloyati Zangiota tumani “Tokzor” MFY hududida joylashgan blokpostda xizmat olib borgan YPX xodimi J.I. tomonidan Spark rusumli avtomobil to‘xtatilgan.
Xolislar ishtirokidagi tekshiruv davomida XPB TP profilaktika inspektori A.A. tomonidan avtomobilda mavjud bo‘lgan “otvyortka” o‘tkir tig‘li vosita deya hisoblanib, tegishli hujjatlar rasmiylashtirilgan.
Mazkur holat yuzasidan Toshkent viloyati IIBB tomonidan surishtiruv harakatlari olib borilmoqda.
Bundan avval Surxondaryoda YPX xodimi avariyaga uchragani, Buxoroda xizmat mashinasida yo‘l qoidasini buzgan PPX xodimi 735 ming so‘m jarimaga tortilgani hamda Sirdaryoda haydovchi bilan muloqotda Vazirlar Mahkamasi nizomini buzgan YPX xodimi jazolangani haqida xabar berilgandi.
Izoh (0)