Har gal ona bo‘lganidan keyin yanada go‘zallashgan serfarzand yulduzlar (foto)

Bir necha marta ona bo‘lganidan keyin vazn to‘plashiga qaramay, avvalgidek ko‘rinishiga qayta olgan shou-biznes vakillari haqida ma’lumot berib o‘tamiz.

Beyonse

Uch farzandning onasi bo‘lgan xonanda ilk marta 2012-yilda ona bo‘lgan. Semirishga moyilligi borligini tan oladigan Beyonse egizak farzandlarini dunyoga keltirgandan keyin 98 kilo vazn to‘plagan. Coachella festivalida ishtirok etish uchun ozishga harakat qilgan qo‘shiqchi avvalgidek ozg‘in bo‘lmaganidan tashvishlanmagan. U qomati oldingidek bo‘lmagani bilan bundan qutulishga oshiqmasligi, qachon press xohlasa, sportzalga borib, bunga erishishi mumkinligini ta’kidlagan. “Ammo ayni vaqtda qomatim shundoqligicha bo‘lishini istayman”, — degan. Bugungi kunda u avvalgidek go‘zal va latofatli.

Keyt Xadson

Gollivud yulduzi Keyt ham Beyonse singari uch farzandning onasi. Tug‘ruqdan keyin ortiqcha vazn to‘plagan aktrisa undan qutulish uchun astoydil harakat qilgan. Instagram sahifasida to‘g‘ri ovqatlanish va sport bilan shug‘ullanib, 11 kiloga ozishni mo‘ljallayotganini yozib qoldirgan yulduz o‘ziga vaqt ajratish bilan birga turmush o‘rtog‘i hamda farzandidan ham e’tiborini ayamasligini qo‘shimcha qilgan. Oldiga qo‘ygan maqsadining uddasidan chiqqan Xadson avvalgidan ham go‘zal va jozibaliroq bo‘lishga erishgan.

Jessika Simpson

2012-yilda ilk marta ona bo‘lgan Jessika 22 kiloga semirgan. Avvalgidek qomati qaytishi uchun uringan Simpson endigina ozganida ikkinchi marta homiladorligini bilib qolgan. Ikkinchi va uchinchi tug‘ruqdan keyin ham qayta vazn to‘plagan xonanda ortiqcha kilolaridan qutulish uchun astoydil ter to‘kkan. Ko‘rinishidagi muammoni bartaraf etgan qo‘shiqchi bugungi kunda ayollarni o‘z qomatlarini sevish va kilolar sabab tushkunlikka tushmaslikka chaqiradi.

Natalya Vodyanova

5 karra ona bo‘lish baxtiga muyassar bo‘lgan Natalyaga kilolardan qutulish qiyinchilik keltirib chiqarmagan. Buning siri nimada ekanligi so‘ralganida u hech qanday sport yoki ovqatlanishga amal qilmagani, shunchaki bu irsiyat bilan bog‘liqligini ma’lum qilgan. 40 yashar aktrisa darhaqiqat ancha yosh va go‘zal ko‘rinadi.

Anna Sedokova

Uch nafar farzandning onasi bo‘lgan Sedokova tug‘ruqdan keyin qomatida o‘zgarishlar yuz berganiga qaramay, o‘zini boricha qabul qiladi, ammo shu bilan birga, to‘g‘ri ovqatlanish va sport bilan shug‘ullanishni kanda qilmaydi. “Vaznim mening tuyg‘ularimga ta’sir qilmaydi. Ko‘plab baxtsiz ozg‘in ayollarni ko‘rib, amin bo‘ldimki, baxt vazn bilan bog‘liq emas. Hozirgi ko‘rinishim va hatto qo‘shimcha 10 kilo bilan ham men o‘zimni yaxshi ko‘raveraman”, — degan Anna.

Mariya Poroshina

Beshta farzandni dunyoga keltirgan aktrisa avvalgidek ko‘rinishga ega bo‘lish uchun ovqatlanishiga e’tibor bera boshlagan. Birinchi kuni oqsilga boy ikkinchi kuni kraxmalli mahsulotlarni iste’mol qilgan, uchinchi kuni uglevod, ertasiga esa mevalar yeyishni afzal bilgan. Uch oy davomida shu tizim asosida ovqatlanish bilan birga tongni bir stakan suv va 15 daqiqalik mashqlar bilan qarshi olgan. U ertalab vaqt topa olmagan taqdirda, kechasi sport bilan shug‘ullanishini ma’lum qilgan.