Ҳар гал она бўлганидан кейин янада гўзаллашган серфарзанд юлдузлар (фото)

Бир неча марта она бўлганидан кейин вазн тўплашига қарамай, аввалгидек кўринишига қайта олган шоу-бизнес вакиллари ҳақида маълумот бериб ўтамиз.

Бейонсе

Уч фарзанднинг онаси бўлган хонанда илк марта 2012 йилда она бўлган. Семиришга мойиллиги борлигини тан оладиган Бейонсе эгизак фарзандларини дунёга келтиргандан кейин 98 кило вазн тўплаган. Coachella фестивалида иштирок этиш учун озишга ҳаракат қилган қўшиқчи аввалгидек озғин бўлмаганидан ташвишланмаган. У қомати олдингидек бўлмагани билан бундан қутулишга ошиқмаслиги, қачон пресс хоҳласа, спортзалга бориб, бунга эришиши мумкинлигини таъкидлаган. «Аммо айни вақтда қоматим шундоқлигича бўлишини истайман», — деган. Бугунги кунда у аввалгидек гўзал ва латофатли.

Кейт Хадсон

Голливуд юлдузи Кейт ҳам Бейонсе сингари уч фарзанднинг онаси. Туғруқдан кейин ортиқча вазн тўплаган актриса ундан қутулиш учун астойдил ҳаракат қилган. Instagram саҳифасида тўғри овқатланиш ва спорт билан шуғулланиб, 11 килога озишни мўлжаллаётганини ёзиб қолдирган юлдуз ўзига вақт ажратиш билан бирга турмуш ўртоғи ҳамда фарзандидан ҳам эътиборини аямаслигини қўшимча қилган. Олдига қўйган мақсадининг уддасидан чиққан Хадсон аввалгидан ҳам гўзал ва жозибалироқ бўлишга эришган.

Жессика Симпсон

2012 йилда илк марта она бўлган Жессика 22 килога семирган. Аввалгидек қомати қайтиши учун уринган Симпсон эндигина озганида иккинчи марта ҳомиладорлигини билиб қолган. Иккинчи ва учинчи туғруқдан кейин ҳам қайта вазн тўплаган хонанда ортиқча килоларидан қутулиш учун астойдил тер тўккан. Кўринишидаги муаммони бартараф этган қўшиқчи бугунги кунда аёлларни ўз қоматларини севиш ва килолар сабаб тушкунликка тушмасликка чақиради.

Наталя Водянова

5 карра она бўлиш бахтига муяссар бўлган Наталяга килолардан қутулиш қийинчилик келтириб чиқармаган. Бунинг сири нимада эканлиги сўралганида у ҳеч қандай спорт ёки овқатланишга амал қилмагани, шунчаки бу ирсият билан боғлиқлигини маълум қилган. 40 яшар актриса дарҳақиқат анча ёш ва гўзал кўринади.

Анна Седокова

Уч нафар фарзанднинг онаси бўлган Седокова туғруқдан кейин қоматида ўзгаришлар юз берганига қарамай, ўзини борича қабул қилади, аммо шу билан бирга, тўғри овқатланиш ва спорт билан шуғулланишни канда қилмайди. «Вазним менинг туйғуларимга таъсир қилмайди. Кўплаб бахтсиз озғин аёлларни кўриб, амин бўлдимки, бахт вазн билан боғлиқ эмас. Ҳозирги кўринишим ва ҳатто қўшимча 10 кило билан ҳам мен ўзимни яхши кўравераман», — деган Анна.

Мария Порошина

Бешта фарзандни дунёга келтирган актриса аввалгидек кўринишга эга бўлиш учун овқатланишига эътибор бера бошлаган. Биринчи куни оқсилга бой иккинчи куни крахмалли маҳсулотларни истеъмол қилган, учинчи куни углевод, эртасига эса мевалар ейишни афзал билган. Уч ой давомида шу тизим асосида овқатланиш билан бирга тонгни бир стакан сув ва 15 дақиқалик машқлар билан қарши олган. У эрталаб вақт топа олмаган тақдирда, кечаси спорт билан шуғулланишини маълум қилган.