O‘zbekistonda 2021-yilning dastlabki ikki oyida qancha transport vositasi ishlab chiqarilgani ma’lum qilindi

O‘zbekiston Davlat statistika qo‘mitasi yanvar–fevral oyida qancha avtomobil, avtobus va traktor ishlab chiqarilgani haqida ma’lumot berdi.

Qo‘mita ma’lumotlariga ko‘ra, avtosanoatda 2021-yilning yanvar–fevral oylarida jami 22 376 ta mashina ishlab chiqarilgan. Dastlabki ikki oyda eng ko‘p Damas avtomobili ishlab chiqarilgan.

Yanvar–fevral oylarida ishlab chiqarilgan avtomobillar:

• Damas – 7 841 dona;
• Cobalt – 6 127 dona;
• Nexia T-250 – 3 241 dona;
• Lacetti-Gentra – 2 913 dona;
• Labo – 1 219 dona;
• Spark – 1 035 dona.

Shuningdek, Davlat statistika qo‘mitasi ma’lumotlariga ko‘ra, avtobus ishlab chiqarish sanoatida 2021-yilning fevral oyida 35 dona avtobus ishlab chiqarilgan. 2021-yilning yanvar–fevral oylarida jami 41 dona avtobus ishlab chiqarilgan. Bu ko‘rsatkich 2020-yilning mos davriga nisbatan 69,9 foizga kam.

Ishlab chiqarilgan avtobuslar soni (yanvar–fevral oylarida):

• 2019 yil yanvar – 194 ta;
• 2020 yil yanvar – 136 ta;
• 2021 yil yanvar – 41 ta.

Bundan tashqari, qo‘mitaning ma’lumotlariga ko‘ra, qishloq xo‘jaligi texnikasi ishlab chiqarish sanoatida 2021-yilning fevral oyida 39 dona traktor ishlab chiqarilgan.

Ma’lum qilinishicha, 2021-yilning yanvar–fevral oylarida 44 dona traktor ishlab chiqarilgan. Bu ko‘rsatkich 2020-yilning mos davriga nisbatan 69,2 foizga kam.

Ishlab chiqarilgan traktorlar soni (yanvar–fevral oylarida):

• 2019 yil yanvar – 67 dona;
• 2020 yil yanvar – 143 dona;
• 2021 yil yanvar – 44 dona.

Shu bilan birga, 2021-yilning yanvar–fevral oylarida qishloq xo‘jaligi texnikasi ishlab chiqarish sanoatida jami 116 dona kultivator ishlab chiqarilgan.

Eslatib o‘tamiz, O‘zbekistonda 2021-yil yanvar oyida 6 ta avtobus, 5 ta traktor, 12 dona kultivator hamda 250 ta yuk mashinasi ishlab chiqarilgandi.