“Muhtasham yuz yil” serialida suratga tushganidan keyin muxlislar qalbidan joy olgan aktyor va aktrisalar ishtirokidagi yangi loyihalar haqida ma’lumot berib o‘tamiz.
Pelin Qoraxon
“Muhtasham yuz yil”da Mehrimoh sulton rolini ijro qilgan aktrisa biroz muddat suratga tushmay qo‘ygan. Bu vaqt oralig‘ida oilasi bilan mashg‘ul bo‘lgan Pelin endilikda yana ishga qaytmoqchi. Aktrisa “Bir kuni Kiprda” nomli serialda rol ijro qilishga tasdiqlangan. 60-yillardagi voqealarni o‘zida aks ettiradigan mazkur loyihaning o‘nta qismi avvaldan suratga olingan.
Engin O‘zturk
Tolga Saritash
“Muhtasham yuz yil” serialida shahzoda Jahongir rolini ijro qilgan Tolga Saritash “A.Riza” nomli dramada bosh qahramonni gavdalantiradi. 2020-yilda suratga olish ishlari bilan boshlangan serial yuqori reytinglarni qayd qilgan serialning yangi qismlari suratga olinmoqda. Unda Aysha Ayshin Turan ham asosiy qahramonlardan birining rolini o‘ynaydi.
Selma Ergech
Serialda Xadicha sulton rolini gavdalantirgani bilan yaxshi ma’lum bo‘lgan Selma ham ancha vaqt ekranda ko‘rinish bermay qo‘ygan. U suratga tushish uchun takliflarni diqqat bilan ko‘rib chiqqan va natijada “Shisha ortidagi qiz” serialida rol o‘ynashga rozilik bergan. Loyiha 2021-yil mart oyining oxirida ekran yuzini ko‘radi.
Deniz Chakir
Sulton Sulaymoning singlisi Shoh sultonni ijro qilgan Deniz esa ayni vaqtda “Ma’sumlik” serialida suratga tushmoqda. U nima bo‘lgan taqdirda ham qizining aybsizligini isbotlashga harakat qiladigan ona rolini ijro qiladi. Hozircha yuqori reytinglarni qayd qilayotgan loyiha 2021-yilning eng yaxshi seriali bo‘lishi ehtimoli yo‘q emas.
Jansu Dere
“Muhtasham yuz yil”da Xurram sultonning raqibi rolini o‘ynagan Jansu esa ayni vaqtda “Sadoqatsiz” serialida suratga tushish bilan band.
Melis So‘zen
Serialda vaqt o‘tishi bilan shahzoda Mustafoni yaxshi ko‘rib qoladigan Xurramning xizmatkori rolini ijro qilgan Melis 2020-yil Kenan Imirzalio‘g‘lu bilan “Alef” nomli serialda suratga tushgan. Ayni vaqtda loyihaning ikkinchi faslini suratga olish uchun tayyorgarlik ishlari boshlab yuborilgan.
Izoh (0)