2020-yilning aprelida amerikalik hip-hop qo‘shiqchi Kanye Uest Forbes ekspertlari tomonidan milliarder deb tan olingan edi. Bloomberg moliyaviy tahlilchilarining hisob-kitoblariga ko‘ra, uning boyligi 6 milliard dollarga yetgan.
Uestga boyligining asosiy qismini Yeezy kiyim-kechak brendi olib kelgan bo‘lib, Shveysariyaning UBS Group AG uni 3,2-4,7 milliard atrofida baholagan. Bank reperning Gap bilan yangi bitimini (Gap Yeezy lineykasini iyulda taqdim etish rejalashtirilgan) esa 970 million dollarga baholamoqda.
Shuningdek, musiqachining investitsiyasi unga 122 million dollar olib kelgan (naqd va aksiyalar) va 110 million dollarni u musiqiy kompozitsiyalaridagi mualliflik huquqi orqali olgan.
Gap kompaniyasi (AQShdagi kiyim-kechak savdosi bo‘yicha eng yirik brendlardan biri) Gap Yeezy savdolari birinchi yilda 150 million dollardan oshishiga umid qilmoqda. Shuningdek, sakkiz yil ichida Gap Yeezy milliard dollar daromad ko‘radigan brendga aylanadi, 2023-yilga borib uning savdolari 1 milliard dollardan oshadi.
Eslatib o‘tamiz, bundan besh yil oldin, 2016-yilning fevralida Uest qarzlari 53 million dollarga yetganini ommaga e’lon qilib, Facebook asoschisi Mark Sukerbergdan 1 milliard dollarli investitsiya so‘ragan edi. Musiqachi buni sakkizinchi albomi — Life of Pablo taqdim etilishidan oldin amalga oshirgan, shundan so‘ng, albom Billboard chatida birinchi o‘rinni egallagan va yetti marotaba “Gremmi” mukofotini qo‘lga kiritgan.
Izoh (0)