«Муҳташам юз йил» сериалида суратга тушганидан кейин мухлислар қалбидан жой олган актёр ва актрисалар иштирокидаги янги лойиҳалар ҳақида маълумот бериб ўтамиз.
Пелин Қорахон
«Муҳташам юз йил»да Меҳримоҳ султон ролини ижро қилган актриса бироз муддат суратга тушмай қўйган. Бу вақт оралиғида оиласи билан машғул бўлган Пелин эндиликда яна ишга қайтмоқчи. Актриса «Бир куни Кипрда» номли сериалда роль ижро қилишга тасдиқланган. 60 йиллардаги воқеаларни ўзида акс эттирадиган мазкур лойиҳанинг ўнта қисми аввалдан суратга олинган.
Энгин Ўзтурк
Интернет платформа учун махсус «50 квадрат метр» номли лойиҳа суратга олинмоқда. Унда «Муҳташам юз йил» сериалидаги ижроси билан машҳур бўлган Энгин Ўзтурк бош қаҳрамон ролини ўйнайди. Лойиҳада «Ҳар ерда сен» номли сериалдаги роли билан яхши таниш бўлган Айбуке Пусат ҳам иштирок этади. Сериалнинг нафақат севги ҳикояси, балки экшн саҳналарга бой бўлиши ҳам кутилмоқда.
Толга Сариташ
«Муҳташам юз йил» сериалида шаҳзода Жаҳонгир ролини ижро қилган Толга Сариташ «А.Риза» номли драмада бош қаҳрамонни гавдалантиради. 2020 йилда суратга олиш ишлари билан бошланган сериал юқори рейтингларни қайд қилган сериалнинг янги қисмлари суратга олинмоқда. Унда Айша Айшин Туран ҳам асосий қаҳрамонлардан бирининг ролини ўйнайди.
Селма Эргеч
Сериалда Хадича султон ролини гавдалантиргани билан яхши маълум бўлган Селма ҳам анча вақт экранда кўриниш бермай қўйган. У суратга тушиш учун таклифларни диққат билан кўриб чиққан ва натижада «Шиша ортидаги қиз» сериалида роль ўйнашга розилик берган. Лойиҳа 2021 йил март ойининг охирида экран юзини кўради.
Дениз Чакир
Султон Сулаймонинг синглиси Шоҳ султонни ижро қилган Дениз эса айни вақтда «Маъсумлик» сериалида суратга тушмоқда. У нима бўлган тақдирда ҳам қизининг айбсизлигини исботлашга ҳаракат қиладиган она ролини ижро қилади. Ҳозирча юқори рейтингларни қайд қилаётган лойиҳа 2021 йилнинг энг яхши сериали бўлиши эҳтимоли йўқ эмас.
Жансу Дере
«Муҳташам юз йил»да Хуррам султоннинг рақиби ролини ўйнаган Жансу эса айни вақтда «Садоқатсиз» сериалида суратга тушиш билан банд.
Мелис Сўзен
Сериалда вақт ўтиши билан шаҳзода Мустафони яхши кўриб қоладиган Хуррамнинг хизматкори ролини ижро қилган Мелис 2020 йил Кенан Имирзалиўғлу билан «Алеф» номли сериалда суратга тушган. Айни вақтда лойиҳанинг иккинчи фаслини суратга олиш учун тайёргарлик ишлари бошлаб юборилган.
Изоҳ (0)