Ўзбекистонда 2021 йилнинг дастлабки икки ойида қанча транспорт воситаси ишлаб чиқарилгани маълум қилинди

Ўзбекистон Давлат статистика қўмитаси январь–февраль ойида қанча автомобиль, автобус ва трактор ишлаб чиқарилгани ҳақида маълумот берди.

Қўмита маълумотларига кўра, автосаноатда 2021 йилнинг январь–февраль ойларида жами 22 376 та машина ишлаб чиқарилган. Дастлабки икки ойда энг кўп Damas автомобили ишлаб чиқарилган.

Январь–февраль ойларида ишлаб чиқарилган автомобиллар:

• Damas – 7 841 дона;
• Cobalt – 6 127 дона;
• Nexia Т-250 – 3 241 дона;
• Lacetti-Gentra – 2 913 дона;
• Лабо – 1 219 дона;
• Spark – 1 035 дона.

Шунингдек, Давлат статистика қўмитаси маълумотларига кўра, автобус ишлаб чиқариш саноатида 2021 йилнинг февраль ойида 35 дона автобус ишлаб чиқарилган. 2021 йилнинг январь–февраль ойларида жами 41 дона автобус ишлаб чиқарилган. Бу кўрсаткич 2020 йилнинг мос даврига нисбатан 69,9 фоизга кам.

Ишлаб чиқарилган автобуслар сони (январь–февраль ойларида):

• 2019 йил январь – 194 та;
• 2020 йил январь – 136 та;
• 2021 йил январь – 41 та.

Бундан ташқари, қўмитанинг маълумотларига кўра, қишлоқ хўжалиги техникаси ишлаб чиқариш саноатида 2021 йилнинг февраль ойида 39 дона трактор ишлаб чиқарилган.

Маълум қилинишича, 2021 йилнинг январь–февраль ойларида 44 дона трактор ишлаб чиқарилган. Бу кўрсаткич 2020 йилнинг мос даврига нисбатан 69,2 фоизга кам.

Ишлаб чиқарилган тракторлар сони (январь–февраль ойларида):

• 2019 йил январь – 67 дона;
• 2020 йил январь – 143 дона;
• 2021 йил январь – 44 дона.

Шу билан бирга, 2021 йилнинг январь–февраль ойларида қишлоқ хўжалиги техникаси ишлаб чиқариш саноатида жами 116 дона култиватор ишлаб чиқарилган.

Эслатиб ўтамиз, Ўзбекистонда 2021 йил январь ойида 6 та автобус, 5 та трактор, 12 дона култиватор ҳамда 250 та юк машинаси ишлаб чиқарилганди.