Ziyodullo Fayzullo o‘g‘li Sa’dullayev Olmazor tumani hokimi o‘rinbosari — Yoshlik shaharchasi hokimi lavozimiga tayinlandi, deya xabar bermoqda tuman hokimligi matbuot xizmati.
Ziyodullo Sa’dullayev 1987-yilda Qashqadaryo viloyatida tug‘ilgan. Toshkent davlat texnika universitetini tamomlagan.
Tayinlovga qadar O‘zbekiston Yoshlar ittifoqi Toshkent shahar kengashi raisi, O‘zbekiston Yoshlar ittifoqi markaziy kengashi apparati boshlang‘ich tashkilotlarida yoshlar bilan ishlash bo‘limi boshlig‘i lavozimlarida ishlab kelgan.
Bundan avval Parkent tumaniga yangi hokim, Ichki ishlar vazirligi Moliya va moddiy-texnika ta’minoti departamentiga yangi rahbar hamda Yoshlar ishlari agentligi Qashqadaryo viloyati boshqarmasiga yangi rahbar tayinlangani haqida xabar berilgandi.
Izoh (0)