Зиёдулло Файзулло ўғли Саъдуллаев Олмазор тумани ҳокими ўринбосари — Ёшлик шаҳарчаси ҳокими лавозимига тайинланди, дея хабар бермоқда туман ҳокимлиги матбуот хизмати.
Зиёдулло Саъдуллаев 1987 йилда Қашқадарё вилоятида туғилган. Тошкент давлат техника университетини тамомлаган.
Тайинловга қадар Ўзбекистон Ёшлар иттифоқи Тошкент шаҳар кенгаши раиси, Ўзбекистон Ёшлар иттифоқи марказий кенгаши аппарати бошланғич ташкилотларида ёшлар билан ишлаш бўлими бошлиғи лавозимларида ишлаб келган.
Бундан аввал Паркент туманига янги ҳоким, Ички ишлар вазирлиги Молия ва моддий-техника таъминоти департаментига янги раҳбар ҳамда Ёшлар ишлари агентлиги Қашқадарё вилояти бошқармасига янги раҳбар тайинлангани ҳақида хабар берилганди.
Изоҳ (0)