Hindistonning Ranikxet provinsiyasidagi “Chaubatiya” o‘quv markazida O‘zbekiston va Hindiston harbiy bo‘linmalari hamkorligida “Do‘stlik-II” qo‘shma mashg‘ulotlari bo‘lib o‘tmoqda. Bu haqda Mudofaa vazirligi Axborot va ommaviy kommunikatsiyalar departamenti xabar berdi.
Ma’lum qilinishicha, o‘quv mashg‘ulotlari davomida otish maydonida ikki davlat harbiy xizmatchilari “ikkilik” tarkibida dushmanni yaqin jangda yo‘q qilish bo‘yicha amaliy mashg‘ulotlarni bajargan. Ta’kidlanishicha, o‘zbekistonlik harbiy xizmatchilar o‘quv mashqlar davomida o‘zlarida mavjud ko‘nikmalarni hind askarlari bilan bo‘lishgan hamda yaqin jangda dushmanni boshqa usullarni yakson qilish amallarini amaliy tarzda ko‘rsatib bergan.
Ikkinchi o‘quv nuqtasi — o‘rmon sharoitida esa ikki davlat harbiy xizmatchilari dushmanni qidirib topish, uni aniqlash va yo‘q qilish bo‘yicha amaliy harakatlarni bajarishga kirishgan. Ikkala davlatning aralash tarkibidagi bo‘linmalari oldindan yaratilgan vaziyatga kiritilib, 1500 metrlik yo‘lakka joylashtirilgan turli xildagi nishonlar (sun’iy dushman) ishg‘ol qilingan.
Ta’kidlanishicha, mashg‘ulotlarni o‘quv nuqtalarida yanada jangovar vaziyatlarga yaqinlashtirish maqsadida Hindistonda ishlab chiqarilgan o‘quv qurollari va sensorli nishonlardan foydalanilgan
“Kunning birinchi qismida mashg‘ulotlarga yakun yasaldi, harbiy xizmatchilar tomonidan mashg‘ulotlarni to‘g‘ri bajarishdagi ustunlik va yo‘l qo‘yilgan kamchiliklariga alohida to‘xtalib o‘tilib, tegishli xulosalar berildi”, — deyiladi xabarda.
Izoh (0)