Futbol bo‘yicha Fransiya chempionati 29-turi doirasida PSJ 14-mart, yakshanba kuni o‘z maydonida “Nant” klubini mehmon qildi.
O‘yinning 42-daqiqasida Yulian Draksler parijliklarni hisobda oldinga olib chiqdi. 59-daqiqada mehmonlar vakili Rendal Kolo-Muani muvozanatni tikladi. 71-daqiqaga kelib esa Rendalning uzatmasini Mozes Siman golga aylantirdi va “Nant”ga g‘alaba keltirdi.
“Nant” ushbu g‘alabadan so‘ng ochkolari sonini 27 taga yetkazdi va 19-o‘rindan 18-pog‘onaga ko‘tarildi. PSJ bo‘lsa hisobidagi 60 ochkosi bilan 2-o‘rinni band etgan. Parijliklar peshqadam “Lill”dan 3 ochkoga ortda qolmoqda.
PSJ—“Nant” uchrashuvi videosharhini bu yerda tomosha qilish mumkin — video.
Liga 1
29-tur bahsi
14-mart, yakshanba
PSJ — “Nant” 1:2
Gollar: 1:0 – 42 Draksler, 1:1 – 59 Kolo-Muani, 1:2 – 71 Simon.
PSJ – Navas, Kimpembe, Markinos, Dagba (Kerer, 74), Diallo, Danilu Pereyra, Rafinya (Ikardi, 56), Di Mariya (Paredes, 62), Verratti, Draksler (Sarabiya, 74), Mbappe.
“Nant” – Lafon, Pallua, Traore, Kastelletto, Jirotto, Blas (Luza, 84), Ture, Simon (Bamba, 83), Chirivelya, Koko, Kolo-Muani (Emon, 83).
Ogohlantirishlar: Simon (45), Rafinya (48), Traore (50), Verratti (67).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)