Futbol bo‘yicha BAA Pro-Ligasining 20-turidan o‘rin olgan bir qator uchrashuvlar 11-mart, payshanba kuni bo‘lib o‘tdi.
“Shabob al-Alhi” jamoasi “Ajman” maydonida mehmon bo‘ldi. Uchrashuvning 39-daqiqasida mehmonlar oldinga o‘tib olishi mumkin edi, biroq Jaloliddin Masharipov penaltidan unumli foydalana olmadi. Oradan ko‘p o‘tmay maydon egalari hisobni ochdi.
Ikkinchi bo‘lim debyutida Masharipov jarima maydoni tashqarisidan kuchli zarba berib, hisobni tenglashtirdi. Qolgan vaqtda hisob o‘zgarmadi. Asosiy tarkibda maydonga tushgan Masharipov va Odil Hamrobekov uchrashuvda to‘liq harakat qildi.
“Shabob” 34 ochko bilan 5-pog‘onada bormoqda, “Ajman” (11) esa 12-o‘rindan joy olgan.
“Hatta” esa o‘z uyida musobaqa yetakchilaridan biri “Al-Jazira”ni qabul qildi. 39-daqiqada Ali Mabxut tomonidan urilgan gol mehmonlarga g‘alaba keltirdi. O‘tgan o‘yinda qizil kartochka olgan Doston Hamdamov bu uchrashuvni o‘tkazib yubordi.
Ushbu g‘alabadan keyin “Al-Jazira” ochkolarini 44 taga yetkazib olgan holda peshqadamlikni mustahkamladi. “Hatta” (8) esa so‘nggi pog‘onada bormoqda.
BAA Pro-Ligasi
20-tur bahslari
11-mart, payshanba
“Ajman” — “Shabob al-Alhi” 1:1
Gollar: 1:0 – 40 Travalli, 1:1 – 52 Masharipov.Amalga oshirilmagan penalti: Masharipov (39)
“Hatta” — “Al-Fujayra” 0:1
Gollar: 0:1 – 39, penalti Ali Mabxut.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)