“Andijon” futbol klubi Meksika milliy terma jamoasida 1 ta o‘yin o‘tkazgan hujumchi bilan shartnoma imzoladi

“Andijon” futbol klubi meksikalik hujumchi Marko Bueno transferini e’lon qildi.

26 yoshli futbolchi 2021-yilgi mavsumni “Andijon” safida o‘tkazadi.

Bueno Meksikaning “Pachuka” klubi tarbiyalanuvchisi hisoblanadi. U faoliyati davomida “Leon”, “Estudiantes Tekos”, “Toluka”, “Gvadalaxara”, “Monterrey” (barchasi Meksika) va “Everton” (Chili) klublarida ijara asosida to‘p surgan. Futbolchi so‘nggi ikki yilni Finlyandiyaning XIK klubida o‘tkazgan.

Shuningdek, Bueno Meksikaning turli yoshdagi terma jamoalarida to‘p surgan. Marko Meksika U-17 terma jamoasi bilan 2011-yilgi o‘smirlar o‘rtasidagi Jahon chempionatida g‘olib bo‘lgan. Meksika milliy terma jamoasida esa AQShga qarshi o‘rtoqlik o‘yinida maydonga tushgan.

Avvalroq “Andijon” Jasur Jaloliddinovni o‘z safiga qo‘shib olgandi.