Футбол бўйича БАА Про-Лигасининг 20-туридан ўрин олган бир қатор учрашувлар 11 март, пайшанба куни бўлиб ўтди.
«Шабоб ал-Алҳи» жамоаси «Ажман» майдонида меҳмон бўлди. Учрашувнинг 39-дақиқасида меҳмонлар олдинга ўтиб олиши мумкин эди, бироқ Жалолиддин Машарипов пенальтидан унумли фойдалана олмади. Орадан кўп ўтмай майдон эгалари ҳисобни очди.
Иккинчи бўлим дебютида Машарипов жарима майдони ташқарисидан кучли зарба бериб, ҳисобни тенглаштирди. Қолган вақтда ҳисоб ўзгармади. Асосий таркибда майдонга тушган Машарипов ва Одил Ҳамробеков учрашувда тўлиқ ҳаракат қилди.
«Шабоб» 34 очко билан 5-поғонада бормоқда, «Ажман» (11) эса 12-ўриндан жой олган.
«Ҳатта» эса ўз уйида мусобақа етакчиларидан бири «Ал-Жазира»ни қабул қилди. 39-дақиқада Али Мабхут томонидан урилган гол меҳмонларга ғалаба келтирди. Ўтган ўйинда қизил карточка олган Достон Ҳамдамов бу учрашувни ўтказиб юборди.
Ушбу ғалабадан кейин «Ал-Жазира» очколарини 44 тага етказиб олган ҳолда пешқадамликни мустаҳкамлади. «Ҳатта» (8) эса сўнгги поғонада бормоқда.
БАА Про-Лигаси
20-тур баҳслари
11 март, пайшанба
«Ажман» — «Шабоб ал-Алҳи» 1:1
Голлар: 1:0 – 40 Травалли, 1:1 – 52 Машарипов.Амалга оширилмаган пенальти: Машарипов (39)
«Ҳатта» — «Ал-Фужайра» 0:1
Голлар: 0:1 – 39, пенальти Али Мабхут.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)