Farg‘ona viloyati Dang‘ara tumani Tumor qishloq fuqarolar yig‘inida yashovchi A.A. Jizzax viloyati Zarbdor tumani Ichki ishlar bo‘limiga murojaat qilib, undan pora talab qilishayotganini bildirdi, deb xabar beradi viloyat IIB axborot xizmati.
Fuqaro A.A. Zarbdor tumanidagi Toshkesgan qishloq fuqarolar yig‘ini hududidan bir nechta daraxtni kesgan. Bundan xabar topgan tuman ekologiya va atrof-muhitni muhofaza qilish tizimi xodimlari S.T. va M.O. qonunbuzarga chora ko‘rmaslik evaziga 2 million so‘m pora so‘ragan.
A.A.ning arizasi asosida ichki ishlar organlari xodimlari tomonidan tashkil etilgan tezkor tadbirda 1 million so‘m pora olgan S.T. ushlangan. Holat yuzasidan tegishli tartibda jinoyat ishi qo‘zg‘atilgan.
Avvalroq Samarqandda MFY raisi daraxtlarni noqonuniy kestirib, o‘simlik dunyosiga salkam 129 million so‘m zarar yetkazgani ma’lum bo‘lgandi.
Mavzuga doir:
Izoh (0)