Alfa Invest’ning umumiy sug‘urta bo‘yicha bosh direktor o‘rinbosari sug‘urta kompaniyasini tanlashda qaysi omillarni e’tiborga olish kerakligi haqida so‘zlab berdi.
So‘nggi yillar davomida O‘zbekistonda aholi uchun tadbirkorlik, moliya va bank xizmatlarini rivojlantirish yo‘lida jadal va ishonchli qadamlar qo‘yilmoqda. Bir qator iqtisodiy islohotlarning amalga oshirilishi bilan fuqarolar o‘rtasida bank mahsulotlari va sug‘urta xizmatlariga talab sezilarli darajada oshdi.
Inson hayoti muqarrar ravishda xavf bilan bog‘liq bo‘lib, sug‘urta polisini olish — o‘zingiz va mol-mulkingizni fors-major holatlardan himoya qilishni anglatadi. Odamlar kutilmagan moliyaviy xarajatlarning oldini olish maqsadida, tobora ko‘proq sug‘urta kompaniyalariga murojaat qilmoqda. Ular avtomobil sug‘urta polisini sotib olmoqda, ipoteka kreditini yoki o‘z xodimlarining hayotini sug‘urtalamoqda.
Sug‘urta kompaniyasini tanlash ma’lum bilimlarni talab etuvchi murakkab qarordir. Alfa Invest kompaniyasi umumiy sug‘urta bo‘yicha bosh direktor o‘rinbosari Xusanov Abdulatif qiyin hayot sharoitida sizga xavfsizlik yostiqchasini aniq taqdim etuvchi ishonchli kompaniyani qanday tanlash kerakligi haqida aytib berdi va sug‘urta kompaniyasi ishonchliligining asosiy mezonlarini sanab o‘tdi.
Tanlash jarayonida birinchi navbatda bozorda yirik va taniqli kompaniyalarga e’tibor qaratishingiz lozim. Ular katta ish tajribasiga ega va natijada sifatli xizmat taqdim eta oladigan vakolatli xodimlar jamoasidan tarkib topadi.
To‘lovlar miqdori
Birinchi navbatda, Alfa Invest kompaniyasi, sug‘urta kompaniyalar tomonidan, ayniqsa sizni qiziqtirgan sug‘urta turi bo‘yicha amalga oshiriladigan to‘lovlar miqdoriga e’tibor qaratishingizni maslahat beradi. Masalan, agar sizni Osago bo‘yicha to‘lovlar qiziqtirsa, rasmiy manbalar ma’lumotlaridan foydalanishingiz mumkin, ular Moliya vazirligi va Osago bo‘yicha kafolatlangan to‘lovlar jamg‘armasi saytida mavjuddir.
Ochiq ma’lumotlar qancha ko‘p bo‘lsa, shuncha yaxshi bo‘ladi
Bugungi kunda O‘zbekiston bozorida 30 dan ortiq sug‘urta kompaniyalari mavjud. Kompaniyaning o‘zi haqida qanchalik ochiq va oshkora gapirayotganiga e’tibor qaratish juda muhimdir. Sug‘urtalovchi kompaniya haqida umumiy ma’lumotlar, moliyaviy ko‘rsatkichlar turli reytinglarda ishtirok etish hamda ijtimoiy tarmoqlarda va internet maydonlarida joylashish orqali jamoatchilikka ma’lum qilinadi. Masalan, Alfa Invest 18 yildan buyon o‘z mijozlari bilan dolzarb ma’lumotlarni bo‘lishib, ularni ochiq manbalarda nashr etib keladi. Shuningdek, do‘stlarning tavsiyalariga quloq tutish va yirik kompaniyalar o‘zining xavf-xatarlarini kimga ishonib topshirishiga ham e’tibor berish foydadan holi bo‘lmaydi.
Shubhali past narxlar
Masalan, Osago uchun bozordagidan 1,5-2 baravar past bo‘lgan tariflar asosan agentlar va vositachilar tomonidan taklif etiladi, bu har doim ham qonuniy emas. Bu qonunda belgilangan tariflarga zid bo‘lishi mumkin. Sug‘urta kompaniyalari tomonidan uzoq vaqtdan beri amaliy tarzda olib borilayotgan demping, noto‘g‘ri ishlab chiqilgan tarif siyosatidan dalolat beradi. Tez orada sug‘urtalovchining resurslari tugashi mumkin, zarar koeffitsenti o‘sadi va to‘lov qilishga qodir emasligi xavfi ortadi.
Xizmat sifati
Mijozlar bilan ishlaydigan kompaniya xodimlari xushmuomala va bilimli bo‘lishi kerak. Sug‘urta kompaniyasining ofisida mijozlar uchun qulay va shinam joy bo‘lishi lozim. Agar kompaniya mijozga qulay bo‘lishi uchun qo‘shimcha sug‘urta xizmati, masalan, onlayn sug‘urta, kecha-yu kunduz aloqa markazini qo‘llab-quvvatlash, tezkor hal qilish kabilarni taklif qilishga tayyor ekanligi, bu tahsinga sazovordir.
Alfa Invest sug‘urta kompaniyasi yuqoridagi barcha mezonlarga javob beradi va erishilgan natijalarda to‘xtab qolmaydi.
Alfa Invest onlayn resurslarni yangilaydi va takomillashtirilgan sayt, chat-bot va ko‘p funksiyali 24/7 aloqa markazini ishga tushiradi. Bu onlayn tarzda polislarni rasmiylashtirishni yanada oson va qulay qiladi.
Telegram: t.me/AlfaInvestuz
Instagram: alfainvest.uz
Facebook: fb.com/alfainvestuzbekistan
Reklama huquqi asosida.
Izoh (0)