Birlashgan Arab Amirliklari (BAA) elchisi Muhammad al-Xoja tarixda birinchi marta vazifasini bajarish uchun Tel-Avivga keldi. Bu haqda Al Jazeera telekanaliga tayanib “Korrespondent.net” xabar berdi.
Avvalroq, 14-fevral kuni Muhammad al-Xoja BAAning Isroildagi elchisi sifatida qasamyod qilgan edi. 24-yanvarda esa Abu-Dabi shahrida Isroil elchixonasi rasmiy ravishda ochildi. Shu kuni amirliklar hukumati mamlakatning Tel-Avivda elchixonasini ochishni ma’qulladi.
Isroildagi OAVga ko‘ra, Tel-Avivdagi birinchi BAA elchisi 41 yoshda. U aristokrat oila vakili, oilali, to‘rt nafar o‘g‘il farzandi bor. Al-Xoja Boston shahridagi Northeastern University’da politologiya, Vena iqtisodiyot va biznes universitetida menejment bo‘yicha tahsil olgan. Elchining rasmiy tarjimai holiga ko‘ra, u motopoygalar, futbol, suv chang‘isi va yugurishga qiziqadi.
Mavzuga doir:
- Rossiya va BAA tovushdan tez uchadigan biznes-samolyotni ishlab chiqadi
- Telegram asoschisi Pavel Durov Dubay valiahd shahzodasi bilan uchrashdi
- Isroil bosh vaziri Binyamin Netanyaxu korrupsiya ishi bo‘yicha aybini tan olishdan bosh tortdi
- Isroil koronavirusning yangi shtammlari tufayli bir haftaga xalqaro aviaqatnovlarni to‘xtatadi
Izoh (0)