Ўзбекистон миллий терма жамоаси марказий ҳимоячиси Ислом Тўхтахўжаев фаолиятини «Қизилқум»да давом эттиради. Бу ҳақда «Қизилқум» футбол клуби ўз Telegram саҳифасида маълум қилди.
31 ёшли марказий ҳимоячи фаолият давомида Фарғонанинг «Нефтчи», Тошкентнинг «Локомотив» ва Хитойнинг «Шэньян Урбан» жамоаларида тўп тепган. Тўхтахўжаев навоийликлар сафига Хитой клубидан келиб қўшилган. Қайд этиш жоиз, ҳимоячининг «Шэньян Урбан» жамоаси билан 2021 йил 31 декабрига қадар шартномаси бор эди. Тўхтахўжаевнинг трансфер маълумотлари очиқланмаган.
Ислом янги жамоасида 20-рақамда ҳаракат қилади.
Маълумот учун, Ислом Тўхтахўжаев «Нефтчи» ва «Локомотив» жамоаларида жами 251 марта майдонга тушиб, 21 та гол уришга муваффақ бўлган. У Ўзбекистон миллий терма жамоасида 71 та ўйин ўтказиб, иккита гол урган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)