Fransiyaning sobiq prezidenti Nikolya Sarkozi korrupsiya ishi bo‘yicha bir yilga ozodlikdan mahrum qilindi

Parij sudi Fransiyaning sobiq prezidenti Nikolya Sarkozini korrupsiya, mansabni suiiste’mol qilish va tergov sirini oshkor qilishda ayblab, bir yillik qamoq jazosiga hukm qildi. Bu haqda “Kommersant” ma’lum qildi.

Ta’kidlanishicha, Sarkozining panjara ortida qolishi ehtimoldan yiroq, chunki ikki yilgacha bo‘lgan jazo odatda qamoqxonada o‘talmaydi. Uning sud hukmi ustidan shikoyat qilishi kutilmoqda. Sarkozi sud binosini izohsiz tark etgan.

Prokuratura Sarkozini to‘rt yilga ozodlikdan mahrum qilishni talab qilgandi, undan ikki yili shartli ravishda hukm hisoblanadi. Xuddi shu shartlar bo‘yicha yana ikki sudlanuvchiga – advokat Terri Erzog va Kassatsion sudining sobiq xodimi Gilbert Azibert uchun so‘ralgan. Lekin ular ham sobiq prezident bilan bir xil muddatga hukm qilindi.

Tergov ma’lumotlariga ko‘ra, Nikolya Sarkozi advokati orqali Gilbert Azibertga Monakodagi lavozimga tayinlashda yordam berishga va’da bergan. Buning evaziga sobiq prezident “Bettankur ishi” doirasida uning telefoniga qo‘yilgan telefon eshituvi haqida ma’lumot olmoqchi bo‘lgan. Bu L’Oreal egasi Liliane Bettankurdan saylovoldi tashviqoti uchun mablag‘larni noqonuniy ravishda olish bilan bog‘liq edi, bu holatda Nikolya Sarkozi oqlandi.