Fransiya iqtisodiyoti 2020-yilda 8,2 foizga pasaydi. Bu haqda mamlakat Milliy statistika va iqtisodiy tadqiqotlar instituti ma’lumotlariga tayanib, “Korrespondent.net” xabar berdi.
Shuningdek, 2020-yilning to‘rtinchi choragida mamlakat yalpi ichki mahsuloti 1,4 foizga pasaygan.
Qayd etilishicha, 2020-yilda Fransiya iqtisodiyotining faollik darajasi 2019-yilning mos davriga nisbatan 4,9 foizlik tafovut bilan yilni yakunlagan. 2021-yil fevral oyida mamlakatda iste’mol narxlarining o‘sishi yanvar oyiga nisbatan sekinlashib, 0,6 foizga 0,4 foiz nisbatni tashkil etgan.
Eslatib o‘tamiz, 2020-yil yakunlariga ko‘ra AQSh iqtisodiyoti 3,5 foizga pasaygan, bu Ikkinchi jahon urushi davridan buyon qayd etilgan eng yomon natija. Bungacha eng yomon ko‘rsatkich 2008-yilda YaIM (yalpi ichki mahsulot)ning 2,5 foizga pasayishi bo‘lgan edi.
Avvalroq koronavirus pandemiyasiga qaramay, 2020-yilda global mudofaa xarajatlari 3,9 foizga o‘sgani haqida xabar qilingandi. “2020-yilda global mudofaa xarajatlari 1,83 trillion dollarga yetdi va yillik o‘sish 3,9 foizni tashkil etdi”, — deyiladi xabarda. Dunyodagi barcha harbiy xarajatlarning aksariyati Qo‘shma Shtatlarga to‘g‘ri keladi — 40 foiz yoki 738 milliard dollar. Shuningdek, 2020-yilda Yevropada ham mudofaa xarajatlari 2 foizga o‘sgan. Rossiyada mazkur xarajatlar 2020-yilda 3,8 foizga oshgan.
Izoh (0)