Qurollangan jangarilari Nigeriyaning Zamfara shtatida maktabga hujum uyushtirib 317 nafar o‘quvchi qizni o‘g‘irlab ketdi. Bu haqda Associated Press shtat ma’muriyatining rasmiy vakili Muhammad Shexuga tayanib, xabar bergan.
26-fevral kuni tungi soat 01:45 da jinoyatchilar 20 ta mototsiklda Jangebe shahridagi davlat maktabiga kelgan. Ular qizlar yotoqxonasiga bostirib kirib, maktab hududida taxminan uch soat bo‘lgan va qizlarni o‘rmonga olib ketgan, deb yozmoqda CNN. Hujum vaqtida bir nafar politsiyachi halok bo‘lgan.
Muso Mustafo ismli mahalliy aholi vakili jinoyatchilarning maktab yaqinidagi harbiy lager va nazorat-o‘tkazish punktiga ham hujum uyshtirganini aytgan. Qayd etilishicha, qo‘poruvchilar harbiylarning o‘z hujumiga xalaqit qilishini istamagan.
Maktab-internatda taxminan 500 nafar o‘quvchi qiz yashagan va o‘qigan. Ularning ayrimlari jangarilar qo‘lidan qochib qutilgan va yotoqxonaga qaytgan, deyiladi CNN manbasi bergan axborotda.
Zamfara shtatida odamlarni o‘g‘irlaydigan va tovon puli evaziga yaqinlariga topshiradigan yoki qamoqdagi sheriklarining ozodlikka chiqarish evaziga ularni qo‘yib yuboradigan bir nechta jangari guruhlar faoliyat olib boradi.
So‘nggi yillarda Nigeriyada odam o‘g‘irlash va fuqarolarga hujum qilishga qaratilgan harakatlar juda ko‘p amalga oshirilgan. 2014-yil aprel oyida “Boko haram” jangarilari guruhi Borno shtatida 276 nafar o‘quvchi qizni o‘g‘irlab ketgan. Qizlarning 100 nafardan ortig‘i hanuzgacha topilmagan. 2020-yil dekabr oyida 344 nafar o‘quvchi Katsina shtatidagi maktabdan 344 nafar o‘quvchi o‘g‘irlab ketilgan va keyinchalik qo‘yib yuborilgan.
2018-yilda Nigeriyada “Boko haram” jangarilari 110 nafar maktab o‘quvchisini o‘g‘irlab ketgan. 2020-yil iyun oyida Nigeriya shimoli-sharqiga uyushtirilgan hujum oqibatida 60 kishi halok bo‘lgan.
Izoh (0)