Land Rover firmasining Camel Trophy’ga bag‘ishlangan klassik Defender’ini maxsus versiyasini sotishga uch kun kifoya qildi, deb xabar beradi Motor. 25 ta yo‘nalanmasdan iborat tiraj juda noyob: avtomobillar benzinli 5,0 litrga ega V8 dvigateli bilan jihozlangan va u birinchi avlod Defender’ni seriyali yig‘ish 2015-yil oxirda to‘xtatilgan bo‘lsa ham, Classic bo‘linmasi tomonidan yig‘ilgan.
Ekspeditsion Land Rover Defender Works V8 Trophy asosini 2012-yilgi 90 va 110-seriyadagi yo‘ltanlamas namunalari tashkil etadi. Kapoti ostida 405 ot kuchiga ega (515 Nm) 5,0 litrli V8 dvigateli o‘rin olgan bo‘lib, agregat 8 pog‘onali ZF avtomat uzatmalar qutisi yordamida boshqariladi. Shuningdek, ikki pog‘onali taqsimlash qutisi va kuchaytirilgan differensiallar bor.
Maxsus versiyaning o‘ziga xos jihatlari — Eastnor Yellow oqish-sariq rangli kuzovi, retro uslubdagi radiator panjarasi, 16 dyuymli “shtampovka” va dekor qismi. Salonidan Elliot Brown eksklyuziv soatlari, qora charm bilan qoplangan Recaro o‘rindiqlari, shuningdek, ichki navigator va gadjetlarni qo‘llab-quvvatlash funksiyasiga ega Classic Infotainment System mediatizimi o‘rin olgan.
Trophy seriyasidagi Land Rover Defender’ning minimal narxi 195 ming funt sterlingni tashkil etadi va bu pulga avtomobilning yangi egalari nafaqat mashinani, balki 2021-yil oxirida Buyuk Britaniya bo‘ylab uch kunlik offroud-turga taklifnomani ham qo‘lga kiritadi.
Cheklangan miqdordagi yo‘ltanlamas ikkinchi avlod bazaviy Defender’laridan qariyb besh barobar qimmat bo‘lganiga qaramay kolleksionerlarni bu kabi narx to‘xtatib qolmadi: 25 ta mashinadan iborat butun tiraj 72 soat ichida sotib bo‘lingan.
Eslatib o‘tamiz, 2020-yilning sentabrida Land Rover kompaniyasi yangi Defender 400e gibrid yo‘ltanlamasi taqdimotini o‘tkazgan edi. Yo‘ltanlamas quvvati 141 ot kuchiga teng elektroakkumulyator, shuningdek, 19,2 kvT/soat litiy-ionli batareya bilan jihozlangan. Bundan tashqari, Defender 400e 296 ot kuchiga ega 2,0 litrli to‘rt silindrli dvigatelga ega. Avtomobil elektr zaryadda 43 kilometr yo‘l bosa oladi.
Izoh (0)