Land Rover фирмасининг Camel Trophy’га бағишланган классик Defender’ини махсус версиясини сотишга уч кун кифоя қилди, деб хабар беради Motor. 25 та йўналанмасдан иборат тираж жуда ноёб: автомобиллар бензинли 5,0 литрга эга V8 двигатели билан жиҳозланган ва у биринчи авлод Defender’ни серияли йиғиш 2015 йил охирда тўхтатилган бўлса ҳам, Classic бўлинмаси томонидан йиғилган.
Экспедицион Land Rover Defender Workс V8 Trophy асосини 2012 йилги 90 ва 110-сериядаги йўлтанламас намуналари ташкил этади. Капоти остида 405 от кучига эга (515 Нм) 5,0 литрли V8 двигатели ўрин олган бўлиб, агрегат 8 поғонали ZF автомат узатмалар қутиси ёрдамида бошқарилади. Шунингдек, икки поғонали тақсимлаш қутиси ва кучайтирилган дифференциаллар бор.
Махсус версиянинг ўзига хос жиҳатлари — Eastnor Yellow оқиш-сариқ рангли кузови, ретро услубдаги радиатор панжараси, 16 дюймли «штамповка» ва декор қисми. Салонидан Elliot Brown эксклюзив соатлари, қора чарм билан қопланган Recaro ўриндиқлари, шунингдек, ички навигатор ва гаджетларни қўллаб-қувватлаш функциясига эга Classic Infotainment System медиатизими ўрин олган.
Trophy сериясидаги Land Rover Defender’нинг минимал нархи 195 минг фунт стерлингни ташкил этади ва бу пулга автомобилнинг янги эгалари нафақат машинани, балки 2021 йил охирида Буюк Британия бўйлаб уч кунлик оффроуд-турга таклифномани ҳам қўлга киритади.
Чекланган миқдордаги йўлтанламас иккинчи авлод базавий Defender’ларидан қарийб беш баробар қиммат бўлганига қарамай коллекционерларни бу каби нарх тўхтатиб қолмади: 25 та машинадан иборат бутун тираж 72 соат ичида сотиб бўлинган.
Эслатиб ўтамиз, 2020 йилнинг сентябрида Land Rover компанияси янги Defender 400e гибрид йўлтанламаси тақдимотини ўтказган эди. Йўлтанламас қуввати 141 от кучига тенг электроаккумулятор, шунингдек, 19,2 квТ/соат литий-ионли батарея билан жиҳозланган. Бундан ташқари, Defender 400э 296 от кучига эга 2,0 литрли тўрт цилиндрли двигателга эга. Автомобиль электр зарядда 43 километр йўл боса олади.
Изоҳ (0)