YouTube’dagi CB Media kanalida tailandlik ustalar metallolomdan o‘z qo‘llari bilan yasagan Bugatti Chiron’ning videosi paydo bo‘ldi.
Mazkur Bugatti’ni yaratishda qo‘lga tushgan narsadan foydalanilgan: gaykalar, boltlar, metall listlar va eski mashinalarning uzatmalari. Natijada paydo bo‘lgan mashina juda g‘aroyib ko‘rinish olgan: undagi radiator panjarasi original Chiron’ni yodga soladi.
Shu bilan birga, oynalar o‘rniga panjara yoki juda g‘alati kapot loyihaning qo‘lbolaligidan dalolat berib turadi. Fara va eshiklar ham noodatiy va original ko‘rinishga ega. Mashinaga qanaqa dvigatel o‘rnatilgani to‘g‘risida ma’lumot berilmagan.
Ustalar ushbu noodatiy Bugatti’ni 30 ming dollarga sotishga tayyor. Taqqoslash uchun, original Bugatti Chiron narxi qariyb 3 million dollar turadi.
Avvalroq tailandlik duradgor-bloger ishlaydigan “podveska”ga ega yog‘ochdan yasalgan Ford Mustang nusxasini sotuvga qo‘ygani to‘g‘risida xabar berilgandi.
Mavzuga doir: Marg‘ilonlik usta Lacetti’dan Ferrari yasadi (foto)
Izoh (0)