Futbol bo‘yicha Yevropa Ligasining 1/16 final bosqichi javob uchrashuvida “Tottenhem” 24-fevral, chorshanba kuni “Volfsberg”ni qabul qildi.
“Tottenhem” uchrashuvni to‘liq o‘z nazoratida o‘tkazdi. Dastlab bellashuvning 10-daqiqasida Deli Alli qaychi uslubidagi super goli bilan jamoasini oldinga olib chiqdi. 50-daqiqada Karlos Vinisius 2-golni urgan bo‘lsa, 73-daqiqada Garet Beyl o‘zining kuchli zarbasi bilan hisobni yirik ko‘rinishga keltirdi. 83-daqiqada Karlos Vinisius dubl qayd etdi va yakuniy hisobni o‘rnatdi — 4:0.
Jamoalarning dastlabki bahsida “Tottenhem” safarda ham (4:1) zafar quchgan edi. Shu tariqa Joze Mourinyo shogirdlari ikki o‘yin natijasiga ko‘ra 8:1 hisobida g‘alaba qozonib, musobaqaning keyingi bosqichiga yo‘l oldi.
Yevropa Ligasi
1/16 final, javob uchrashuvi
24-fevral, chorshanba
“Tottenhem” Angliya — “Volfsberg” Avstriya 4:0
Gollar: 1:0 – 10 Alli, 2:0 – 50 Vinisius, 3:0 – 73 Beyl, 4:0 – 83 Vinisius.
“Tottenhem”: Hart, Doerti (Lavine, 74), Alderveyreld, Devis, Dayer, Lamela (Beyl, 69), Sissoko (Jon, 82), Uinks, Alli (Skarlett, 81), Bergveyn (Lukas Moura, 69), Vinisius.
“Volfsberg”: Kuttin, Novak (Pavelich, 46), Baumgartner (Giorbelidze, 65), Henriksson, Sherser (Perich, 65), Lindl, Vernitsnig, Shtratsnig (Rnich, 79), Lochoshvili, Vizinger (Yovelich, 46), Deng.
Ogohlantirishlar: Doerti (36), Baumgartner (61), Vernitsnig (63), Devis (65), Alderveyreld (77).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)