Футбол бўйича Европа Лигасининг 1/16 финал босқичи жавоб учрашувида «Тоттенҳэм» 24 февраль, чоршанба куни «Вольфсберг»ни қабул қилди.
«Тоттенҳэм» учрашувни тўлиқ ўз назоратида ўтказди. Дастлаб беллашувнинг 10-дақиқасида Дели Алли қайчи услубидаги супер голи билан жамоасини олдинга олиб чиқди. 50-дақиқада Карлос Винисиус 2-голни урган бўлса, 73-дақиқада Гарет Бэйл ўзининг кучли зарбаси билан ҳисобни йирик кўринишга келтирди. 83-дақиқада Карлос Винисиус дубль қайд этди ва якуний ҳисобни ўрнатди — 4:0.
Жамоаларнинг дастлабки баҳсида «Тоттенҳэм» сафарда ҳам (4:1) зафар қучган эди. Шу тариқа Жозе Моуриньо шогирдлари икки ўйин натижасига кўра 8:1 ҳисобида ғалаба қозониб, мусобақанинг кейинги босқичига йўл олди.
Европа Лигаси
1/16 финал, жавоб учрашуви
24 февраль, чоршанба
«Тоттенҳэм» Англия — «Вольфсберг» Австрия 4:0
Голлар: 1:0 – 10 Алли, 2:0 – 50 Винисиус, 3:0 – 73 Бэйл, 4:0 – 83 Винисиус.
«Тоттенҳэм»: Ҳарт, Доэрти (Лавине, 74), Алдервейрелд, Дэвис, Дайер, Ламела (Бэйл, 69), Сиссоко (Жон, 82), Уинкс, Алли (Скарлетт, 81), Бергвейн (Лукас Моура, 69), Винисиус.
«Вольфсберг»: Куттин, Новак (Павелич, 46), Баумгартнер (Гиорбелидзе, 65), Ҳенрикссон, Шерсер (Перич, 65), Линдль, Верницниг, Штрацниг (Рнич, 79), Лочошвили, Визингер (Ёвелич, 46), Денг.
Огоҳлантиришлар: Доэрти (36), Баумгартнер (61), Верницниг (63), Дэвис (65), Алдервейрелд (77).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)