Pikabu сайтининг ArcticBoy ники остидаги фойдаланувчиси Баренсбург шаҳридаги (Норвегия) танишини хурсанд қилиш учун унга анчадан буён орзу қилиб келган сушисини олиб бориб берди, деб ёзади Esquire.
ArcticBoy’нинг ўзи Лонгйирда яшайди, у ер ҳам Шписберген архипелагида жойлашган ва дунёдаги энг шимолий макон ҳисобланади. У архипелагдаги ҳаёти ҳақида блог юритади. Бир сафар у Баренсбургга боришга қарор қилган ва эркакни у ерда Pikabu’нинг Tarasik1991 ники остидаги фойдаланувчиси кутиб олиши керак бўлган. Нима олиб борай, деган саволга қиз кутилмаганда суши ейишни хоҳлаётгани айтган.
«Буюртмани етказиш» учун у қорда юришга мўлжалланган машинада бир томоннинг ўзига 52 километр йўл босиб борган. Бу каби ғояни амалга ошириш 12 соат вақт талаб қилган, йўлнинг ўзига 3 соат кетган.
Сушини ArcticBoy’нинг ўзи тайёрлаган. Pikabu орқали у егуликни тайёрлаш ва етказиб бериш жараёни билан бўлишган.
Сушини у яқинда ейилган тортнинг қутисига солиб қўйган.
«Буюртма» термоконтейнерга жойлаштирилган.
Йўлга у бир ўзи отланмаган. «Сушини, албатта, қуролланган қўриқчилар қўриқлайди, чунки биз оқ айиқларни эмас, Pikabu’даги дўстларимизни меҳмон қилишни истаймиз», — деб ёзади ArcticBoy.
«Тайёр. Сиз ажойибсиз. ‘Яндекс.Егулик’дан рўйхатдан ўтиб, етказиб бериш хизматини очиш ва оролдаги бозорни эгаллаш мумкин. Хизмат эвазига ажойиб кеча ва Pikabu’даги қиз ҳамда унинг йигитидан шаҳар бўйлаб экскурсия оламиз. Аня, Серёжа, сизларга катта раҳмат, жуда зўр бўлди!..», — деб ёзади ArcticBoy.
Изоҳ (0)