Futbol bo‘yicha Italiya A Seriyasining 23-turidan o‘rin olgan bir qator bahslar 20-fevral, shanba kuni bo‘lib o‘tdi.
Eldor Shomurodovning jamoasi — “Jenoa” o‘z uyida “Verona”ni qabul qildi. Bellashuvning 17-daqiqasida Ivan Ilich mehmonlarning birinchi golini urdi.
O‘zbekistonlik futbolchi ikkinchi bo‘limning boshida zaxiradan maydonga tushdi va uch daqiqa o‘tib, 48-daqiqada hisobni tenglashtirdi. 61-daqiqada Davide Faraone “Verona”ni yana hisobda oldinga olib chiqqan bo‘lsa, ikkinchi bo‘limga qo‘shib berilgan daqiqalarda Milan Badel chiroyli gol bilan muvozanatni tikladi.
Ushbu uchrashuvdan so‘ng genuyaliklar 26 ochko bilan 11-o‘rinda bormoqda. “Verona” esa 34 ochko to‘plagan holda 8-o‘rinda qayd etilgan.
A Seriya
23-tur bahslari
20-fevral, shanba
“Jenoa”—“Verona” 2:2
Gollar: 0:1 – 17 Ilich, 1:1 – 48 Shomurodov, 1:2 – 61 Faraoni, 2:2 – 90+4 Badel.
“Jenoa”: Perin, Chiborra (Pellegrini, 46), Masyello, Krishito, Zappakosta, Badel, Radovanovich, Zayts (Shomurodov, 46), Strotman (Pandev, 67), Pyatsa (Rovella, 55), Destro (Skamakka, 67).
“Verona”: Silvestri, Gyunter, Lovato (Chetin, 46), Manyani, Faraoni (Ronaldu Viyeyra, 68), Tamez (Sturaro, 90), Lazovich, Zakkanyi (Bessa, 82), Ilich (Velozu, 82), Barak, Lazanya.
Ogohlantirishlar: Strotman (57), Chetin (74).
“Latsio”—“Sampdoriya” 1:0
Gol: 1:0 – 24 Luis Alberto.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)