Sky Sport jurnalisti, taniqli insayder Janluka di Martsio “Jenoa” hujumchisi Eldor Shomurodovning ayni paytdagi transfer narxi qancha ekanligi haqida berilgan savolga javob berdi.
Uning hozirgi transfer narxi 15 million yevro. Agar “Jenoa” hozirda futbolchini sotmoqchi bo‘lsa, 15 million yevro ishlab olishi mumkin. Olti oy ichida uning transfer narxi ikki barobarga oshdi.Kshishtof Piontekda (2018—2019-yillarda “Jenoa”da o‘ynagan) ham shunday holat yuz bergandi. U 4,5 million yevroga sotib olinib, olti oydan so‘ng “Milan”ga 35 millionga transfer qilingandi.
Italiyada shunaqa. Agar biz yaxshi futbolchini ko‘rsak, u uchun 20-30 million berishga tayyormiz.
Unga “Yuventus” qiziqish bildirdimi? Ha, shunday bo‘ldi. Yozga kelib Shomurodov “Borussiya Dortmund” yoki “Sevilya” kabi yosh va iqtidorli futbolchilarni yaxshi ko‘radigan klublar uchun qiziqarli o‘yinchilaridan biri bo‘lishi mumkin.
Janluka di Martsio, jurnalist
Tuttosport nashri Shomurodovga “Yuventus”dan qiziqish bo‘layotgani haqida xabar qilgandi.
2020-yilning oktabr oyida “Rostov”dan “Jenoa”ga o‘tgan Eldor Shomurodov genuyaliklar tarkibida 16 ta o‘yin o‘tkazib, 2 ta gol va 2 ta golli uzatmaga mualliflik qildi. Xabarlarga ko‘ra, genuyaliklar Shomurodov transferi uchun 7,5 million yevro sarflagan.
“Jenoa” 22-turdan keyin 25 ochko bilan 11-o‘rinda bormoqda, “grifonlar” keyingi tur o‘yinini 20-fevral kuni “Verona”ga qarshi o‘tkazadi.
Mavzuga doir:
Izoh (0)