“Paxtakor” klubi hujumchisi Igor Sergeyev faoliyatini Qozog‘iston chempionatida davom ettiradi.
O‘zbekiston terma jamoasi a’zosi “Oqtobe” futbol klubi bilan shartnoma imzoladi. Bu haqda klub matbuot xizmati ma’lum qildi. “Oqtobe” shartnoma tafsilotlarini ochiqlamagan.
Sergeyev — 1993-yilning 30-aprelida Toshkentda tug‘ilgan. “Paxtakor” tarbiyalanuvchisi bo‘lgan Igor O‘zbekistondagi faoliyati mobaynida faqat “sherlar” safida (2011—2017 va 2018—2020) to‘p tepgan. Shuningdek, 27 yoshli forvard 2016-yilda Xitoyning “Beyjin Goan”, 2017—2018-yillarda esa BAAning “Az-Zafra” jamoalarida harakat qilgan. 2013-yildan buyon O‘zbekiston milliy terma jamoasi libosini himoya qiladi.
“Oqtobe” 2020-yilgi mavsum yakunlari bo‘yicha birinchi liga g‘olibligini qo‘lga kiritib, Qozog‘iston oliy divizionga chiqdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)