“Jenoa” hujumchisi Eldor Shomurodov bilan hamkorlik qiladigan ProSports Management kompaniyasi direktori German Tkachenko mijoziga “Yuventus” qiziqish bildirgani haqidagi savolga javob berdi.
“Jenoa” rasmiy taklif bo‘lmaganini bildirdi, ammo klublar o‘rtasida haqiqatan ham bu mavzuda aloqa bo‘lgan. Ular biz bilan ham bog‘lanishdi, ammo bu taklif emas edi.Tuttosport nashri Shomurodovga “Yuventus”dan qiziqish bo‘layotgani haqida xabar qilgandi.Katta klub Eldordan qochmaydi, ammo buning uchun u ishlashda davom etishi, ko‘proq gol urishi, o‘zidagi fazilatlarini namoyish qilishi kerak. “Jenoa” futbolchilarni yaxshi sotadi, biz ushbu vaziyatni tahlil qildik. Ular (“Jenoa”) osonlikcha o‘yinchilarni sotadi, ayniqsa hujumchilarni, shuning uchun ham biz xotirjammiz.
German Tkachenko, futbol agenti
2020-yilning oktabr oyida “Rostov”dan “Jenoa”ga o‘tgan Eldor Shomurodov genuyaliklar tarkibida 16 ta o‘yin o‘tkazib, 2 ta gol va 2 ta golli uzatmaga mualliflik qildi.
“Jenoa” 22-turdan keyin 25 ochko bilan 11-o‘rinda bormoqda, “grifonlar” keyingi tur o‘yinini 20-fevral kuni “Verona”ga qarshi o‘tkazadi.
Eslatib o‘tamiz, avvalroq Eldor Shomurodovning Italiya qanday xonadonda yashayotganligi haqida xabar berilgandi.
Mavzuga doir:
Izoh (0)