Futbol bo‘yicha Angliya Premyer Ligasining qoldirilgan 16-turidan o‘rin olgan “Everton” va “Manchester Siti” jamoalari o‘rtasidagi bahs 17-fevral, chorshanba kuni bo‘lib o‘tdi.
Uchrashuvning 32-daqiqasida Fil Foden “shaharliklar”ni oldinga olib chiqdi. Bunga maydon egalari 37-daqiqada Risharlisonning kiritgan to‘pi bilan javob qaytardi.
63-daqiqada Riyod Mahrez mehmonlarning ikkinchi golini urgan bo‘lsa, 77-daqiqada Bernardu Silva yakuniy hisobni o‘rnatdi — 1:3.
Mazkur g‘alabadan keyin ochkolarini 56 taga yetkazib olgan holda eng yaqin ta’qibchisini 10 ochkoga ortda qoldirib, yakka peshqadam bo‘lib turibdi. “Everton” 37 ochko bilan 7-pog‘onada qoldi.
APL
16-tur qoldirilgan o‘yini
17-fevral, chorshanba
“Everton” — “Manchester Siti” 1:3
Gollar: 0:1 – 32 Foden, 1:1 – 37 Risharlison, 1:2 – 63 Mahrez, 1:3 – 77 Bernardu Silva.“Everton”: Pikford, Din, Kin, Holgeyt, Godfri, Sigurdsson, Devis (Xames, 69), Ivobi (King, 69), Dukure, Mina (Koulmen, 18), Risharlison.
“Manchester Siti”: Ederson, Laport, Ruben Diash, Joau Kanselu, Uoker, Rodri (Fernandinyo, 90), Foden, Marez, Bernardu Silva, Sterling (de Bryuyne, 80), Gabriel Jezus.
Ogohlantirishlar: Dukure (28), Risharlison (45), Sterling (67).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)