Xalqaro futbol tarixi va statistikasi federatsiyasi (IFFHS) XXI asrning eng yaxshi murabbiylari reytingini e’lon qildi.
Unga ko‘ra, “Tottenhem” ustozi Joze Mourinyo so‘nggi 20 yillikning eng yaxshi murabbiyi sifatida e’tirof etildi. “Portu”, “Chelsi”, “Inter”, “Real” va “Manchester Yunayted” jamoalari sobiq ustozi 226 ball to‘pladi.
Ikkinchi o‘rinda Germaniya terma jamoasi bosh murabbiyi Yoaxim Lyov (213) qayd etilgan bo‘lsa, “Manchester Yunayted” sobiq ustozi Aleks Fergyuson (183) kuchli uchlikdan joy oldi. Shuningdek, “Manchester Siti” bosh murabbiyi Xosep Gvardiola ham shotlandiyalik mutaxassis bilan bir xil ochko to‘plagan — 183.
“Bunyodkor” sobiq bosh murabbiyi Luis Felipe Skolari reytingning 13-pog‘onasida qayd etildi.
XXI asrning eng yaxshi murabbiylari top-15 ligi bilan tanishing:
- Joze Mourinyo — 226 ball
- Yoaxim Lyov — 213
- Aleks Fergyuson — 183
- Pep Gvardiola — 183
- Arsen Venger — 181
- Karlo Anchelotti — 165
- Visente del Boske — 157
- Diyego Simeone — 152
- Didye Desham — 131
- Marselo Byelsa — 121
- Fabio Kapello — 120
- Gus Hiddink — 112
- Luis Felipe Skolari — 110
- Rafaed Benites — 103
- Merchelo Lippi — 100
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)