Халқаро футбол тарихи ва статистикаси федерацияси (IFFHS) XXI асрнинг энг яхши мураббийлари рейтингини эълон қилди.
Унга кўра, «Тоттенҳэм» устози Жозе Моуриньо сўнгги 20 йилликнинг энг яхши мураббийи сифатида эътироф этилди. «Порту», «Челси», «Интер», «Реал» ва «Манчестер Юнайтед» жамоалари собиқ устози 226 балл тўплади.
Иккинчи ўринда Германия терма жамоаси бош мураббийи Йоахим Лёв (213) қайд этилган бўлса, «Манчестер Юнайтед» собиқ устози Алекс Фергюсон (183) кучли учликдан жой олди. Шунингдек, «Манчестер Сити» бош мураббийи Хосеп Гвардиола ҳам шотландиялик мутахассис билан бир хил очко тўплаган — 183.
«Бунёдкор» собиқ бош мураббийи Луис Фелипе Сколари рейтингнинг 13-поғонасида қайд этилди.
XXI асрнинг энг яхши мураббийлари топ-15 лиги билан танишинг:
- Жозе Моуриньо — 226 балл
- Йоахим Лёв — 213
- Алекс Фергюсон — 183
- Пеп Гвардиола — 183
- Арсен Венгер — 181
- Карло Анчелотти — 165
- Висенте дел Боске — 157
- Диего Симеоне — 152
- Дидье Дешам — 131
- Марсело Бьелса — 121
- Фабио Капелло — 120
- Гус Ҳиддинк — 112
- Луис Фелипе Сколари — 110
- Рафаэд Бенитес — 103
- Мерчело Липпи — 100
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)