Navoiy viloyatida koronavirus, pnevmoniya va boshqa belgilar bilan bemorlarni davolashga mo‘ljallangan oxirgi markaz ham yopildi, deb xabar bermoqda viloyat hokimligi matbuot xizmati.
Ma’lum qilinishicha, 14-fevral kuni Navoiydagi COVID-19 infeksiyasiga chalingan oxirgi bemor sog‘ayib, o‘z uyiga kuzatildi. Shu sababli mazkur kasallikka chalingan bemorlarni davolash uchun o‘z faoliyatini ixtisoslashtirgan viloyat yuqumli kasalliklari shifoxonasi odatiy ish tartibiga qaytib, o‘z yo‘nalishi bo‘yicha faoliyatini yo‘lga qo‘ydi.
Shunday qilib, Navoiy viloyati koronavirus infeksiyasidan xoli hududga aylandi. Viloyat sog‘liqni saqlash boshqarmasi mazkur jarayonlarda xizmat qilgan barcha tibbiyot xodimlariga o‘z minnatdorchiligini bildirgan.
Avvalroq Samarqandda COVID-19 bemorlarini davolash uchun moslashtirilgan so‘nggi markaz yopilgani haqida xabar berilgan edi. O‘zbekistonda koronavirus bo‘yicha savollarga javob beradigan Call-markaz faoliyati ham vaqtinchalik to‘xtatilgan.
Izoh (0)