Навоий вилоятида коронавирус, пневмония ва бошқа белгилар билан беморларни даволашга мўлжалланган охирги марказ ҳам ёпилди, деб хабар бермоқда вилоят ҳокимлиги матбуот хизмати.
Маълум қилинишича, 14 февраль куни Навоийдаги COVID-19 инфекциясига чалинган охирги бемор соғайиб, ўз уйига кузатилди. Шу сабабли мазкур касалликка чалинган беморларни даволаш учун ўз фаолиятини ихтисослаштирган вилоят юқумли касалликлари шифохонаси одатий иш тартибига қайтиб, ўз йўналиши бўйича фаолиятини йўлга қўйди.
Шундай қилиб, Навоий вилояти коронавирус инфекциясидан холи ҳудудга айланди. Вилоят соғлиқни сақлаш бошқармаси мазкур жараёнларда хизмат қилган барча тиббиёт ходимларига ўз миннатдорчилигини билдирган.
Аввалроқ Самарқандда COVID-19 беморларини даволаш учун мослаштирилган сўнгги марказ ёпилгани ҳақида хабар берилган эди. Ўзбекистонда коронавирус бўйича саволларга жавоб берадиган Call-марказ фаолияти ҳам вақтинчалик тўхтатилган.
Изоҳ (0)