Toshkentdagi “Yalang‘och” va “Salar” temiryo‘l stansiyalari oralig‘ida o‘z joniga qasd qilishga uringan qiz o‘zini poyezd ostiga tashlagani to‘g‘risida xabar berilgandi. “Sevimli TV” telekanalining “Zamon” informatsion dasturida o‘quvchi qiz o‘z joniga qasd qilish niyatida bo‘lmaganini ma’lum qildi.
Ma’lum bo‘lishicha, Chilonzor tumanidagi 103-sonli maktabning 10-sinfida o‘qiydigan qiz xavfsizlik qoidalariga rioya qilmagan holda naushnik taqib, temiryo‘l bo‘ylab harakatlangan.
“Hodisa xavfsizlik qoidalariga rioya qilinmagan holda harakatlanish oqibatida yuzaga kelgan. Qizning o‘zi ham bu vaqt naushnikda qo‘shiq eshitib ketayotganini tasdiqlagan. Poyezd mashinistining tezkor harakati natijasida qizga u qadar og‘ir bo‘lmagan tan jarohati yetgan. Hozirda uning ahvoli yaxshilanmoqda”, — deyiladi xabarda.
Avvalroq Toshkent viloyatida naushnik taqib, temiryo‘l bo‘ylab harakatlangan ikki ayolni poyezd urib ketgani va ulardan biri voqea joyida vafot etgani to‘g‘risida xabar berilgandi.
Izoh (0)