Millionlab muxlislari bo‘lgan mashhurlar nabiralarining ko‘rinishi va kasb borasida tanlagan yo‘llari har doim ham buvi va buvalari singari bo‘lavermaydi.
Rayli Kio — Elvis Preslining nabirasi
Raylini Elvisning yagona qizi Liza Mari Presli dunyoga keltirgan. 12 yoshidan modellik faoliyatini boshlagan Rayli 14 yoshida Milanda bo‘lib o‘tgan moda haftaligidagi Dolce&Gabbana chiqishida ishtirok etgan. Suratlari jurnal muqovalaridan bir necha marta o‘rin olgan Kio 20 yoshida kinoda o‘zini sinab ko‘rgan. 2012-yilda “Yaxshi shifokor” kartinasida bosh qahramon rolini ijro qilganidan keyin “Jek va Dayan” hamda “Telba Maks” loyihalarida ishtirok etgan. Suratga olish jarayonida kaskadyor Ben Smit-Petersen bilan tanishgan va u bilan hayot yo‘lini bog‘lashga qaror qilgan.
Jeyms Tyerre — Charli Chaplinning nabirasi
Jeyms kasb borasida ota-onasi va buvasining izidan ketganlardan hisoblanadi. Sirkda faoliyat yuritadigan Tyerre o‘zini kino olamida ham sinab ko‘rgan va “Prospero kitoblari”, “Shokolad” singari filmlarda suratga tushgan.
Anna Sharye — Brijit Bardoning nabirasi
Buvisidan kam bo‘lmagan husn va iste’dodga ega Anna karyerasini teatrda boshlagan, keyin esa filmlarda rol ijro etgan. Ilk debyut roli muvaffaqiyatli chiqqan aktrisa bugungi kunda bir qancha mukofotlarni qo‘lga kiritishga ulgurgan.
Klark Jeyms Geybl — Klark Geyblning nabirasi
“Shamollarda qolgan hislarim” yulduzining nabirasida muvaffaqiyatga erishish uchun hamma narsa bo‘lgan. O‘ziga yarasha ko‘rinishga ega bo‘lgani unga modellik olamida omadga erishishiga yordam bergan. Shuningdek, kinoda suratga tushgan Geybl erkaklar kiyimi hamda elektronika sotiladigan do‘konlarga ham egalik qilgan. Ammo yosh va muvaffaqiyatli Klark 2019-yil 30 yoshida hayotdan ko‘z yumgan.
Elison Le Borj — Alen Delonning nabirasi
Elison Entoni Delon va Mari-Elen Le Borxesning qizi. Otasi tark etgani sabab onasining qo‘lida katta bo‘lgan Elison 10 yoshida mashhur buvasi bilan tanishgan. Model sifatida karyera boshlashga ahd qilgan qiz muvaffaqiyatga mustaqil erishish maqsadida mashhur familiyasidan voz kechgan.
Rouz Shlossberg — Jon Kennedining nabirasi
Jon va Jaklin Kennedining katta nabirasi Rouz mashhur buvisiga quyib qo‘ygandek o‘xshaydi. Nyu-York universitetida san’atni o‘rgangan Rouz Garvard talabasi bo‘lishga ham ulgurgan. Aktrisalikka qiziqadigan Shlossberg onlayn-serialda bosh qahramon rolini ijro qilgan.
Emma Ferrer — Odri Xepbyornning nabirasi
Buvisidan farqli ravishda aktrisalikni tanlamagan Emma Florensiyadagi san’at akademiyasida tahsil olgan. Mashhur aktrisaning nabirasi voyaga yetganidan keyin suratchilar, moda brendlari unga e’tibor berib, hamkorlik qilishni taklif qila boshlagan. Bugungi kunda modellik faoliyati bilan shug‘ullanadigan Ferrer Odri singari xayriya ishlarida ham faol ishtirok etish bilan birga, YuNISEF bilan hamkorlikda ishlaydi.
Izoh (0)