Hamma biznes markazlar ham birdek yaxshi emas. Ofis ko‘chmas mulki sohasida chalkashmaslik uchun biznes markazlarining turi bo‘yicha tasniflash tizimi ishlab chiqilgan. U ko‘plab omillarni inobatga oladi: qurilish davri, joylashuvi va transport qatnovi, infratuzilmasi, jihozlanishi, tarhlari, pardoz ishlari va boshqalar. Ushbu xususiyatlarga qarab, ofis ko‘chmas mulki “A”, “B”, “C” va “D” toifalarga bo‘lingan.
Eng nufuzli, texnik jihatdan ta’minlangan, qulay rejalashtirilgan tijoriy ko‘chmas mulklar “A” toifasiga kirsa, 12 qavatli Orient Business Center ham shu toifaga mansub hisoblanadi. Loyiha Turkiyaning Dome+Partners arxitektura kompaniyasi tomonidan ishlab chiqilgan. Unda turli yo‘nalishdagi mutaxassislar: landshaft dizayner, interyer dizayner, arxitektor, fasad bo‘yicha konsultantlar, binoning energiya hamda ekologik samaradorligi mutaxassislari, mexanik va elektriklar faoliyat yuritadi. Shu bois, qurilishning barcha nozik jihatlari loyiha ishlab chiqilayotgan paytdayoq puxta o‘ylab qo‘yiladi.
Joylashuvi va transport qatnovi
Orient biznes markazi poytaxtning qoq markazida, Toshkentning eng qadimiy bozorlaridan bo‘lmish, “Oloy” bozorining yonginasida joylashgan. Binodan yuz metrdan yaqinroq masofada — metro va yerusti transporti bekati mavjud. Boshqa tarafdan — gavjum avtostrada, biznes markazga kirish uchun qulay yo‘lak.
Avtomobil egalari uchun esa 170 o‘rinli, ikki qavatli yerosti avtoturargohi ko‘zda tutilgan. Mehmonlar qo‘riqlanadigan yerusti avtoturargohidan foydalanishlari mumkin.
Bu yerda barchasi biznesga qaratilgan. Birinchi qavatda — keng holl va qabulxona hududi, shuningdek, tayyor ijara biznesi uchun mo‘ljallangan tijoriy maydonlar: qahvaxona, oshxona, dorixona, bank filiallari, kimyoviy tozalash xizmati, minimarket va boshqalar. Markazning 2—11 qavatlarida shinam ofislar, konferensiya zallari, muzokara xonalari, tushlik xonasi mavjud.
Tashqari va ichkari
Shiftlar balandligi 4,2 metrdan (2–10 qavatlar) 4,7 metrgacha (1 va 11 qavatlar) boradi. Fasad uchun shakllarning aniq geometriyasi va o‘zgacha to‘q ko‘k ranglar gammasini mujassam etgan, jiddiy yevropacha uslub tanlangan. Tashqi ko‘rinishi jihatidan bu, munosib lo‘ndalik, zamonaviy yondashuv va basavlat ko‘rinish hissini beradi. Deraza va pardoz ishlarida yuqori sifatli materiallar ishlatilgan holda, zamonaviy texnologiyalar asosida bajarilgan.
Odatda “A” toifadagi biznes markazlar tarhlarning bir qancha turi bilan ajralib turadi. Orient Business Center’da esa ofis maydonlari open space uslubida ham, kabinet uslubida ham tashkillashtirilishi mumkin. Shell & Core pardozi standart dizaynga bog‘lanib qolmaslik va ofisni sizning individual fe’l-atvoringizga mos bo‘lgan funksional, ergonomik, yaxshi qismlarga bo‘lingan maydonga aylantirish imkonini beradi.
Infratuzilma
Orient biznes markazi qurilishi jarayonida biznes uchun qulay muhit shakllantirish uchun katta harakatlar amalga oshirilmoqda: rezidentlar va mehmonlar o‘zlarini imkon qadar shinam his qilishlari lozim. Ijarachilar, maydon egalari va mehmonlarning ehtiyojlari, manfaatlarini maksimal darajada hisobga olgan holda amalga oshirilgan kompleks infratuzilma bunga imkon beradi.
Hudud kun-u tun qo‘riqlanadi, korpuslarning tashqi perimetri va ikkita avtoturargoh — videokuzatuv tizimi nazorati ostida. Hudud energiya tejovchi, buzilishga qarshi lampalar bilan yoritiladi, tozalikni esa boshqaruv kompaniyasi ta’minlaydi.
Jihozlanish
To‘rtta yo‘lovchi va bitta yuk tashish uchun, umumiy hisobda beshta lift tezda va shovqinsiz tashrifchilarni kerakli qavatga olib boradi. Bino mikroiqlimi eng zamonaviy VRF (Variable Refrigerant Flow, ya’ni sovitish agentining o‘zgaruvchan oqimi) turidagi havo sovitish tizimi hisobidan ta’minlanadi.
Konferensiya zallari 150–300 kishini sig‘dira oladi. Ular muzokara va namoyishlar o‘tkazish uchun barcha kerakli texnika vositalari bilan jihozlangan. Optika tolali texnologiyalar va ishonchli provayderlar aloqa tizimlarini ta’minlaydi. Elektr va suv ta’minoti shahar tarmoqlaridan olinadi.
“A” toifasidagi biznes markaz nufuz va qulaylikni qadrlovchi kompaniyalar uchun mo‘ljallangan. Orient Business Center’dan maydon tanlasangiz, siz mijozlaringiz va biznes hamkorlaringizda kerakli taassurot uyg‘otadigan, g‘aroyib ofisga ega bo‘lasiz.
Orient Business Center, har qanday biznes muzokaralar, uchrashuvlar boshlanishidan avval siz haqingizda ijobiy fikr uyg‘otishga xizmat qiladi va tashrifchilar nigohida sizga kerakli maqomni beradi.
Maydonlar xaridi haqida batafsil ma’lumot olish uchun (+998 99) 808 92 25 telefoni orqali bog‘laning yoki Golden House savdo ofisiga tashrif buyuring.
Markaziy savdo ofisi: Mirzo Ulug‘bek tumani, Osiyo ko‘chasi, 3-uy
Mo‘ljal: Orient Finans Bank, “Novomoskovskaya” TJM
Veb-sayt: https://orientbc.gh.uz
Facebook: fb.com/oriyentbusinesscenter
Instagram: http://instagram.com/orient_bc
Telegram: t.me/goldenhouseuz
Reklama huquqi asosida.
Izoh (0)