Amerikalik tadbirkor, Tesla va SpaceX kompaniyalarining asoschisi hamda rahbari Ilon Mask va Grayms 2020-yilning may oyida o‘g‘illi bo‘lgan va unga X Æ A-12 deb ism qo‘ygandi. Qo‘shiqchi o‘zining Instagram’dagi sahifasiga o‘g‘li bilan tushgan birinchi suratini joylashtirdi. Suratda Grayms Ukrainaning Ienki Ienki brendining paryostig‘ida tasvirlangan.
Ilon Maskning o‘zi esa Instagram va Twitter’dagi sahifasida o‘g‘lining suratni e’lon qilgan.
X Æ A-12 ismi “Eks EyEy Tvelv” tarzida o‘qiladi. Hujjatlarda esa X AE A-XII Musk deya qayd etilgan, chunki Kaliforniya qonunchiligiga ko‘ra, ismni ro‘yxatdan o‘tkazishda raqam va belgilar bo‘lmasligi lozim.
Bu ism quyidagicha kengaytiriladi:
X — noma’lum o‘zgaruvchi;
Æ — Graymsning aytishicha, bu belgi elflar tilida sun’iy ong ma’nosini beradi, shu bilan birga, sevgi so‘zi ham shunday yoziladi;
A-12 — juftlikning sevimli samolyoti — Lockheed A-12.
Mavzuga doir: Ilon Mask o‘g‘lining ismini unutib qo‘ydi (video)
Izoh (0)