Eron oliy yetakchisi va rahbari Ali Xomanaiy 10-fevral kuni nishonlanadigan Islom inqilobining 42 yilligi munosabati bilan 3840 nafar mahbusning jazosini yengillashtirish haqida qaror qabul qildi. Bu haqda Tasnim agentligi xabar bergan.
Mahkumlar ozodlikka chiqariladi yoki ularning qamoqdagi jazo muddatlari qisqaradi. Avval amnistiya loyihasi va mahbuslar ro‘yxati oliy yetakchiga Eron oliy sudining raisi Ibrohim Raisiy tomonidan kiritilgandi.
Eron taqvimiga ko‘ra har yili baxman oyining 22-sanasida mamlakatdagi eng asosiy milliy bayramlardan biri nishonlanadi va 2021-yil ushbu sana 10-fevralga to‘g‘ri kelgan. 10-fevral Eronda Islom inqilobining Muhammad Rizo Pahlaviy (1941—1979) monarxiyasi ustidan qozonilgan g‘alaba kuni sifatida nishonlanadi.
Eron konstitutsiyasiga ko‘ra, oliy yetakchi Oliy sud raisining tavsiyasi asosida mahkumlarning muddatini qisqartirish yoki ularni qamoqdan ozod qilish huquqiga ega.
Izoh (0)