Ijtimoiy tarmoqlarda dars vaqtida uch nafar o‘quvchining maktab sinf xonasida oyog‘ini parta ustiga qo‘yib, axloqsizlik qilgani aks etgan video tarqalib, keng muhokamalarga sabab bo‘ldi.
Xalq ta’limi vazirligi matbuot xizmatining ma’lum qilishicha, mazkur axloqsizliklar Samarqand viloyatidagi 77-maktabning 9-sinf o‘quvchilari tomonidan sodir etilganligi aniqlandi.
Ushbu o‘quvchilar ota-onalari bilan birgalikda Samarqand shahar hokimligi voyaga yetmaganlar ishlari bo‘yicha komissiya a’zolari ishtirokidagi majlisga chaqirilgan. Ota-onalar farzand tarbiyasiga e’tiborsiz bo‘lgani uchun uzr so‘ragan. O‘quvchilar axloqsiz xatti-harakatlari uchun pushaymon ekanligini bildirgan.
Maktab ichki tartib-qoidalari hamda o‘quvchi etikasiga rioya qilmagan uch nafar o‘quvchining ota-onasiga nisbatan Ma’muriy javobgarlik to‘g‘risidagi kodeksning 47-moddasiga (bolalarni tarbiyalash va ularga ta’lim berish borasidagi majburiyatlarni bajarmaslik) muvofiq jarima jazosi qo‘llanilgan.
Izoh (0)