Futbol bo‘yicha BAA chempionatining 15-turi doirasida “Shabob al-Ahli” jamoasi 5-fevral, juma kuni “Al-Ayn” mehmoni bo‘ldi.
“Shabob al-Ahli” safida Jaloliddin Masharipov o‘yinni asosiy tarkibda boshladi. Aziz G‘aniyev esa zaxirada qoldi. Mehmonlar o‘yinda tezkor gol kiritishga muvaffaq bo‘lishdi. Karlos Eduardo tomonidan 9-daqiqada kiritilgan gol birinchi bo‘limda yagonaligini saqlanib qoldi.
Ikkinchi bo‘limda “Shabob al-Ahli” raqib darvozasiga yana 3 ta gol urdi. Avvaliga 53-daqiqada Kartabiya hisobni 2:0 ko‘rinishiga keltirgan bo‘lsa, 74-daqiqada Eduardo dublga erishdi. Oradan 9 daqiqa o‘tib jamoadoshlarining ikki goliga assistentlik qilgan Igor Jezusning o‘zi ham gol urdi.
Hakam tomonidan qo‘shib berilgan vaqtda “Al-Ayn” jamoasi a’zosi Mohanad Salem jamoaning yagona javob golini kiritishga muvaffaq bo‘ldi. Shu tariqa o‘yin Masharipov jamoadoshlarining 4:1 hisobidagi g‘alabasi bilan yakunlandi.
Mazkur g‘alabadan so‘ng “Shabob al-Ahli” ochkolarini 25 taga yetkazib oldi va turnir jadvalida 5-o‘rinni band qilib turibdi. “Al-Ayn” bo‘lsa 24 ochkosi bilan 6-o‘rinda qoldi.
“Al-Ayn”—“Shabob al-Ahli” uchrashuvidagi gollarni bu yerda tomosha qilish mumkin — videosharh.
BAA chempionati
15-tur bahslari
5-fevral, juma
“Al-Ayn” — “Shabob al-Ahli” 1:4
Gollar: 0:1 – 9 penalti Karlos Eduardo, 0:2 – 53 Kartabiya, 0:3 – 74, Karlos Eduardo, 0:4 – 83 Igor Jezus, 1:4 – 90+3 Mohanad Salem.
“Al-Ayn”: Busanda, Juma, Salem, Pereira, Abdulla (Erik Menezes, 23), Nader (Radovanovich, 46), Balushi (Fahad Haded, 77), Shiotani, Eduardo, Laba, Kanedo
“Shabob al-Ahli”: Naser (Hassan Hamza, 69), Haykal, Jaber, Ahmad, Alkamali, Alnaqbi, Hassan (Saud Abdulrazaq, 76), Eduardo, Kartabiya (Yuri Sezar, 86), Masharipov (Muhammad Eid, 77), Jezus (Ahmet Attas, 86).
Ogohlantirishlar: Pereira (47), Federiko Kartabiya (52).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)