Футбол бўйича БАА чемпионатининг 15-тури доирасида «Шабоб ал-Аҳли» жамоаси 5 февраль, жума куни «Ал-Айн» меҳмони бўлди.
«Шабоб ал-Аҳли» сафида Жалолиддин Машарипов ўйинни асосий таркибда бошлади. Азиз Ғаниев эса захирада қолди. Меҳмонлар ўйинда тезкор гол киритишга муваффақ бўлишди. Карлос Эдуардо томонидан 9-дақиқада киритилган гол биринчи бўлимда ягоналигини сақланиб қолди.
Иккинчи бўлимда «Шабоб ал-Аҳли» рақиб дарвозасига яна 3 та гол урди. Аввалига 53-дақиқада Картабия ҳисобни 2:0 кўринишига келтирган бўлса, 74-дақиқада Эдуардо дублга эришди. Орадан 9 дақиқа ўтиб жамоадошларининг икки голига ассистентлик қилган Игор Жезуснинг ўзи ҳам гол урди.
Ҳакам томонидан қўшиб берилган вақтда «Ал-Айн» жамоаси аъзоси Моҳанад Салем жамоанинг ягона жавоб голини киритишга муваффақ бўлди. Шу тариқа ўйин Машарипов жамоадошларининг 4:1 ҳисобидаги ғалабаси билан якунланди.
Мазкур ғалабадан сўнг «Шабоб ал-Аҳли» очколарини 25 тага етказиб олди ва турнир жадвалида 5-ўринни банд қилиб турибди. «Ал-Айн» бўлса 24 очкоси билан 6-ўринда қолди.
«Ал-Айн»—«Шабоб ал-Аҳли» учрашувидаги голларни бу ерда томоша қилиш мумкин — видеошарҳ.
БАА чемпионати
15-тур баҳслари
5 февраль, жума
«Ал-Айн» — «Шабоб ал-Аҳли» 1:4
Голлар: 0:1 – 9 пенальти Карлос Эдуардо, 0:2 – 53 Картабия, 0:3 – 74, Карлос Эдуардо, 0:4 – 83 Игор Жезус, 1:4 – 90+3 Моҳанад Салем.
«Ал-Айн»: Бусанда, Жума, Салем, Переира, Абдулла (Эрик Менезес, 23), Надер (Радованович, 46), Балуши (Фаҳад Ҳадед, 77), Шиотани, Эдуардо, Лаба, Канедо
«Шабоб ал-Аҳли»: Насер (Ҳассан Ҳамза, 69), Ҳайкал, Жабер, Аҳмад, Алкамали, Алнақби, Ҳассан (Сауд Абдулразақ, 76), Эдуардо, Картабия (Юри Цезарь, 86), Машарипов (Муҳаммад Эид, 77), Жезус (Аҳмет Аттас, 86).
Огоҳлантиришлар: Переира (47), Федерико Картабия (52).
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)