BOE kompaniyasi smartfonlar va boshqa qurilmalarning ekranlari bilan o‘zaro aloqani ta’minlashning qiziqarli variantini taqdim etdi, deb xabar beradi Hi-Tech.Mail.ru.
Patentdagi izohlarga ko‘ra, displey inson barmog‘iga taqib yurishi kerak bo‘lgan kichik qurilma bilan bog‘langan holda ishlaydi. Foydalanuvchi ushbu qurilma taqilgan qo‘lini displey yuzasiga tekkizsa, unga o‘rnatilgan sensor panellarining datchigi barmoqdagi qurilma ekraniga ma’lumotlarni uzatadi — natijada taktil qayta aloqa paydo bo‘ladi. Shunday qilib, odam tom ma’noda displey ko‘rsatgan narsani seza oladi.
Mazkur texnologiya ko‘rish qobiliyatida muammosi bor insonlar uchun juda kerakli. BOE’dagilarning so‘zlariga ko‘ra, ular tomonidan yaratilgan ixcham qurilmali displey raqamli makonda Brayl shrift bilan ishlashni osonlashtiradi. Eslatib o‘tamiz, Brayl shriftida harflar o‘rniga oltita nuqtadan foydalaniladi.
Ayni vaqtda Brayl shrift bilan ishlay oladigan elektron qurilma soni va namoyish etadigan kontenti bo‘yicha cheklangan — asosan, ular matnli ma’lumotlar bilan ishlaydi, suratlar yoki shakllar bilan emas. Bundan tashqari, ular ancha qimmat yechim hisoblanadi.
Agarda displey ishlab chiqarish bo‘yicha dunyodagi yetakchilardan biri hisoblangan BOE patentlangan texnologiyani tijoriy qurilmalarga joriy eta olsa, bu ko‘rish qobiliyati buzilgan insonlar hayotini yengillashtirishga xizmat qiladi.
Izoh (0)